• Follow us on Twitter
  • Follow us on Facebook

Hahaha

Kénging Rumpaka
Kintun kana Facebook

Dakwah

 “Dina urusan ngélingan manusa, da’i éléh ku supir beus kota ”

“ Naha ?”

“Lamun da’i dakwah, hadirin nundutan, malahan saré”

“Lamun supir beus kota ?”

“Lamun supir beus kota ngebut, panumpang istigfar bari ngadu’a”

 

 

Pangaruh Ngaran  

Profesor nuju nguliahan mahasiswa:

“Ngaran jelema gedé pangaruhna kana nasib”

“Contona prof?”

“Ngaran pa Damiri”

“Kumaha?”

“Lamun indit ka Jawa Tengah pasti padamoro”

“Wah”

“Lamun indit ka Betawi pasti padaméré”

“Di Betawi pa Damiri jadi beunghar atuh nya?”

“Enya! Malahan ayeuna geus boga usaha beus Damri”

 

 

45 Menit

Profesor nuju nguliahan mahasiswa:

“Nepi ka iraha ogé maén bal mah moal obah ti 45 menit”

“ Naha prof”

“45 menit téh dumasar kana jumlah bola anu aya di lapangan”

“Sanés mung aya hiji bola na prof?”

“Ari 2 bola anu dibarawa ku 22 pamaén teu diitung kitu?”

 

 

Mojang Idaman

 Jang Odih réngsé pepegatan jeung kabogohna:

 “Hésé néangan calon pamajikan zaman ayeuna mah nya?”

“ Naha ?”

“Lolobana hayang calon salaki anu geus beunghar, minimal boga imah sorangan”

“Ulah kuciwa, réa kénéh mojang anu teu kitu”

“Dimana?”

“Di SPBU. Coba waé déngékeun: ….mulai dari nol ya pak….”

 

 

 Riweuh

 Dina telpon:

 “Halo, bapa aya?”

“Riweuh” sora budak leutik dina telpon ngaharéwos.

“Ibu?”

“Riweuh ogé” ngaharéwos kénéh waé.

“Aa?”

“Aa, Tétéh, embi, aki, nini, rariweuh sadayana” angger ngaharéwos.

“ Naha nya, nuju naraon?”

“Nuju ucing sumput di lebet bumi”

 

Lamun Diwenangan

 “Kang, lamun Akang diwenangan manjarakeun jalma, saha nu pangheulana rek dipanjarakeun?”

“Mitoha!”

 

TKI

Sim kuring bade tumaros, dupi janten TKI ka Arab Saudi teh di dituna damel naon wae? Upami aya lowongan janten algojo mah sim kuring ge bade daptar...

 

 

David Luiz

“Ngacambrung teu luyu jeung kanyataan...”

“Naon teh?”

“Eta..pamaen bola ti Chelse...buuk gondrong tapi ngaran David Luiz... Luis ti mana ari gondrong kitu....”

 

 

Dibahanan

“Tah, ranginang atah, engke goreng we ari geus nepi ka Bandung...”

“Eta saroja ge menta nu atah we atuh..”

“Seug!” Bari tuluy dibere tipung beas. (Da saroja mah euweuh atahna, teu jiga ranginang).

 

 

Salah Sangka

Kacaturkeun Si Kabayan teh tas ngawinkeun budakna nu bungsu, awewe. Ari minantuna teh urang Jawa, anu samasakali teu bisaeun basa Sunda sarta oge teu lancar basa Indonesia.

Dina peuting munggaran, dumadak listrik teh ngadadak pareum. Atuh di jero imah teh ngadadak poe mongkleng! Kabeneran pisan harita teh minantuna geus teu kuat hayang kahampangan. Inyana kututang-koetteng neneangan jalan atawa panto kamar mandi, da puguh acan pati apaleun lebah-lebahna. Ahirna inyana ngawani-wani nanyakeun  ka mitohana satengah ngagorowok.

“Pak... pak... ningendi lobangnya Pak? Ningendi lobang nya? Aku wis ga tahan nih!” pokna, maksudna mah nanyakeun lawang kamar mandi.

Ana celengkeung teh ku si kabayan bet ditembalan kieu: “Eta di dinya, dina handapeun bujal! Singkabkeun we geura sampingna!” samarukna meureun. Hehe

 

 

Karangan

Dina ulangan Basa Sunda aya tugas nyieun karangan. Tapi Si Itok, anakna Kabayan tea kalahka ngahuleng, teu gura-giru ngerjakeun tugasna. Manehna can nulis sakalimah acan. Laju weh disampeurkeun ku guruna bari ditanya:

Guru: “Ari maneh, enggeus nyieun karangan teh?”

Itok: “Teu acan, Pa!”

Guru: “Naha atuh, lain buru-buru! Kaburu beak waktuna!”

Itok: “Numawi abdi teh bingung, Pa! Kumargi karangan abdi tos sadayana dikintunkeun ka Mangle! Sok sieun disangki ngajiplak geura keh!”

Kirim Koméntar tina Facebook

Koméntar (1)

Kangnia

Lajengkeun bu,malar budaya apanjang apunjung

Kirim Koméntar

Jenengan
Alamat Émail
Alamat Wéb
Koméntar
Serat Kodeu: