• Follow us on Twitter
  • Follow us on Facebook

RASITA 1

Kénging Deden Abdul Aziz
Kintun kana Facebook

Rasita

 

Ngalimbung

Di antara rajegna tetengger

Néangan hiji tutunggul

 

Néangan

Ti pajaratan ka pajaratan

Mapayan saban Ngaran

 

Néangan

Ngaran sorangan

 

Rasita

 

Cianjur, 2012

 

 

RASITA 2

 

Geuning

Ramo-ramo langit

Padalisan cinta

Ditulis dina amparan batu

 

Lalambar hujan

Nepikeun pirang-pirang kahayang

Kakayon nu geus jadi layon

 

Geuning

Tapak-tapak lengkah

Surat tan alamat

Dibaca dina saban teuteupan

 

Cianjur, 2012

 

 

RASITA 3

 

Ngalengkah deui. Nu panganggeusan

Satukangeun kota-kota ninggalkeun gagasan

 

Saban ketug jajantung. Milang lengkah

Sampeureun sugan teu katinggaleun

 

Dina raramo peuting. Beurang tinggal cangkang

Nyimpang ka unggal statsion. Aya kalangkang

Renghap anjeun nu leupas di saban peron

Nunda katiga. Ngalengkah deui

Nu panganggeusan

 

Cianjur, 2012

 

 

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: