• Follow us on Twitter
  • Follow us on Facebook

Getih Layon Kasalapan (2)

Kénging Ensa Wiarna
Kintun kana Facebook

Pa Lurah rek langsung dioperasi. Samemehna diperenahkeun heula di rohangan ICU. Di dinya diinfus, direreyang ku perawat tiluan. Nu nganteur ukur bisa nyerangkeun ti luar, tina kaca.

"Hammmpumrra ceuk Pa Lurah.

Kekecapanana ngan kitu jeung kitu. Gerenyem saterusna teu jentre. Biwirna engab, muka bangun nu ngunikeun h, terus ngucapkeun m, saterusna muka deui bangun nu ngunikeun r. 

“Hampura….” Pa Lurah ngagerenyem deui. Saterusna teu puguh maksudna. Gerak biwirna bangun nu nyebutkeun huruf  n, terus engab kawas ngunikeun hurup e. Ketang boa ngucapkeun hurup a atawa o, boa u da teu jentre tea. Duka menta dihampura ka istrina, Bu Nisa, Bu Lurah tea.

“Panungtungan ngobrol jeung Pa lurah teh Jumaah kamari. Harita mah Pa lurah ngalamehan. Meureun geus ngahampura atawa memang geus rumasa, atawa ngamaphum kana pagawean kuring, “ ceuk Yuda, wartawan majalah mingguan.

“Na kungsi teu hade kitu?” ceuk Yaomil, dosen kriminologi.

“Enya, apan sorangan mah kungsi diusir Pa Lurah,” ceuk Yuda deui.

Yuda jeung Pa Lurah kungsi bendeng. Pedah Yuda rek konfirmasi ngeunaan desa-desus nu ditepikeun ku Ines, kapiadi Yuda. 

Manehna meunang beja ti batur. Enya, Yuda mah ukur nanyakeun, luyu jeung kamistian kudu konfirmasi heula samemeh nepikeun berita. Ngan, nya kitu, sumber beritana kalah ngambek.

“Ceuk saha tateh? Bawa ka dieu jelemana!” Pa Lurah nyentak.

Tina wani nanyakeun balukarna mah manajang.  Kungsi apan aya nu megat basa manehna rek balik. Malah, ngancam sagala.  

Ngan, ceuk Yuda the, leuwih hade dibadamikeun di tempat Pa Asmita, uwana. Ngadenge ngaran Pa Asmita disebut-sebut, nu megat teu kakapanjangan.

Taksiran, apaleun ka Pa Asmita mah. Enya, apan Pa Asmita mah pada ngajenan. Kaasup ' kokolot lembur atuda. Lurah manten, lurah hormat nyarebutna ge.

Pagetona Yuda ditelepon ku uwana. Penting, cenah. Harita, Wa Asmita kadatangan jurungan Pa Lurah, hayang ngobrol jeung Yuda. Gancang ditedunan, tempatna di imah Wa Asmita. (Lajengkeuneun)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: