• Follow us on Twitter
  • Follow us on Facebook

Muhammadiyah Ngalelempeng Kiblat Bangsa
Ti Jawa Barat keur Nusantara

Kénging Rumpaka M-Online
Kintun kana Facebook
Mangle
Inohong Muhammadiyah Jabar jeung Sunda [Potrét/Ilustasi: rudi]

Milad Muhammadiyah tingkat Jawa Barat geus lekasan. Rebuan anggota Muhammadiyah umplek di lapangan Tegallega Bandung (15 Desember 2012).  Hadir sababaraha tokoh Muhammadiyah Jawa Barat, tokoh Bandung, nu diantarana Prof. Dr. H. Dadang Kahmad, M.Si., Prof. Dr. H. Didi Turmidzi, M.Si., Dr. Mursalin Dahlan, Dr. H. Dada Rosada jeung para tokoh sejenna.

Prof. Dr. H. Din Syamsudin, MA, nu harita ngahaja ngahiji jeung kader Muhammadiyah Jawa Barat, ngarojong sangkan Jawa Barat istiqomah dina nanjeurkeun agama Islam kalawan daria. Malahan, masih ceuk Pa Din, saenyana ti Jawa Barat loba tokoh Muhammadiyah ngadegkeun ieu bangsa. “Muhammadiyah jinek boga hak keur ngawangun bangsa. Sajarah bangsa moal leupas tina peran muhammadiyah. Sababaraha tokoh Sunda, saperti Ir. H. Juanda, Otto Iskandar Dinata, apan sakitu tiginna dina nanjeurkeun ieu bangsa. Ku kituna, ti ayeuna, hayu urang luruskeun deui kiblat bangsa ieu,” saurna.

Inohong  Sunda, nu oge pupuhu Paguyuban Pasundan, Prof. Dr. H. Didi Turmudzi, M.Si., ngajentrekeun, peran Muhammadiyah di Jawa Barat jinek kacida. Pangna kitu, kader muhammadiyah ulah mangmang deui dina ngajak umat. “Muhammadiyah nu urang, Sunda nu urang, hayu tanjeurkeun Muhammadiyah di tatar Pasundan,” saurna tandes.

Muhammadiyah Jawa Barat nu kiwari dipingpin ku H. Ayat Dimyati, geus buled tekad. "Taun 2013, moal petot-petot urang tanjeurkeun bebeneran di Jawa Barat. Lantaran, ti dinya pisan, Muhammadiyah bisa nanjung keur ngaluhurkeun darajat bangsa," pokna. ***

Kirim Koméntar tina Facebook

Koméntar (1)

Ayat Dimyati

aya 6 pesan ti Tegallega keun para cagub/cawagub saha bae nu mimpin ka payunna di sakumna provinsi di nusantara, nyaeta: 1) dinun muttaba' ( agama nu ditaati ku umatna); 2) sulthanun qahir ( pemerintahan nu kuat); 3 hishbun daim ( kasejahtraan nu langgeng); 4) amnun 'amun ( kaamanan nu walatra ); 5) 'adlun syamil ( kaadilan keur sakumna ); 6) amalun fasihun ( cita-cita nu mulus hampang himping). Sakitu bae pepeling ti PWM Jawa Barat.

Kirim Koméntar

Jenengan
Alamat Émail
Alamat Wéb
Koméntar
Serat Kodeu: