• Follow us on Twitter
  • Follow us on Facebook

Sajak

Kénging H. Usep Romli, HM
Kintun kana Facebook

Ngabungbang

keur Ike

 

  Keun ingkeun bulan ngalong

  Di langit langgong

  Ngadaweungkeun tineung heubeul samemeh

  Tumiba mangsa mabra kawas ayeuna. Samemeh

  Dada urang muka kasuka.Sabada

  Lawas koneas ku pulas pias. Sabada

  Dikungkung kateujujuran ku rasa sewang-sewangan

  Batin dikingkilikan aing-aingan

  Keun bentang sina nyengceling

  Di langit peuting

  Sinangling wening.

 

                            Kawali, Juli 2012

                            ****

 

  B uk a

 

  Am dahar sabada lapar. Puasa.

  Bungah beuteung seubeuh. Tapi bet timbul pananya

  Ningal nu dihuapkeun semu teu suka. Malah malik nganaha-naha :

  “Nu puasa mah kuduna apik. Moal dapon hekak

    Make ugeran halal-haram.”

  
   Dumeh asal lapar heug kagentak ?”

 

   Nepi ka iraha rek kalalanjoan

   Dahar asal am, pake asal rap

   Teu miduli ti mana ti mendi

   Demi kasukaan diri.

  

                              Limbangan, Romadon 1433

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: