• Follow us on Twitter
  • Follow us on Facebook

Palsu

Kénging Komala Sutha
Kintun kana Facebook

“Tukang dagang naon, nu najan barangna paslu kabéh tapi moal keuna ku rajia tur dimeunangkeun?”

“Moal aya nu datang barang palsu dimeunangkeun. Aya-aya waé!”

“Aya. Tukang dagang huntu palsu!”

 

Téré

“Geus lila nya, biduan téré ngaluarkeu albeum anyar!”

“Wah… énté mah katinggaleun! Apan cikénéh aya lagu anyar Téré!”

“Nu kumaha?”

“Kieu laguna téh… téré… téréééé… Rotjring terotjring térotjring!”

“Hus!!!”

 

Komala Sutha

 

Embung Péot

“Mikiran Nini uing…”

“Na kunaon?”

“Geus sababaraha poé si Nini huleng jentul waé pédah kulitna beuki dieu beuki péot! Hayang calangkeur deui cenah!”

“Di imah aya licinan nu alus?”

“Keur naon?”

“Matak naon… licin kulit Nini manéh unggal isuk! Dijamin kulit teu péot deui!”

“Si Kasebelan!!!”

 

Komala Sutha

 

Nutupan Ceuli

“Apal teu naon sababna nu adan sok nutupan ceuli?”

“Henteu…”

“Bisi hayang apal éta sangkan harus, da mun nutupan sungut mah sorana moal harus!”

 

Ena Rs.

Sidamulya Rch.

 

Bosen

“Tivi uing mah dijual, bosen lah…”

“Bosen lalajo tivi?”

“Bosen teu boga duit matak dijual gé!”

 

Ena Rs.

Sidamulya Rch.

 

 

Sulaeman

“Ih, Sulaeman…”

“Lain Sulaeman ieu mah. Uing Toto..”

“Enya, Sulaeman téh Sugan Lain Manéh, to…”

“Oh, heueuh ta…”

 

Ena Rs.

Sidamulya Rch.

 

Gaya Basa SMS

Réngsé maca ondangan ti babaturanana, Nyi Otih langsung nga-és ém és Jang Abun, bébénéna. “Kng, pnt dtn mgg jjpkn abd k ulm. Ulh hlf ngo ack rsm, js atn sfr btk. Omt kng, tb 9 kdh ts ay d rrp. Ht nhn”. Sanggeus dikirim, teu pati lila manéhna meunang és ém és balesan ti Jang Abun anu kieu unina, “Brs lh yng, n pntg yyg og ngo rksk n rd sx, tp ht lbay, br srs. Ok. Cp syg”.

 

Holid A. Gani

SDN Cihampelas 3 Bandung

 

Lebay

Budak: “Ma, naha sanggeus balik ti Arab téh, gaya ngomong si Bapa jadi anéh?”

Indungna: “Anéh kumaha, ari Ujang?”

Budak: “Cobaan geura ku Ema ajak ngomong!”

Indungna: “Bapana! Kadieu geura, ieu si Ujang aya piomongeun!”

Budak: “Ké heula. Bafa café kénéh, anggurzih nitah si Uzang fangzieunkeun kofi fait!”

Indungna: “Nya, ceuk uing ogé ngomongna jadi anéh!”

 

Holid A. Gani

SDN Cihampelas 3 Bandung

 

Rahul

Isur, ngarahul ka sobatna, “Bro, mangkukna bapa déwék tigejebur ka walungan Citarum. Tapi dasar bapa déwék mah sakti, euweuh salambar ogé buuk dina sirahna anu baseuh!”

“Nya heueuh, da bapa silaing mah sirahna botak euweuh buukan,” walon si Ibro bari jebi.

 

Holid A. Gani

SDN Cihampelas 3 Bandung

 

Hayam

 

“Halau, sareng delipery kpc?”

“Muhun”

“Dupi hayamna aya?”

“Aya juragan.”

“Tiasa nyarios sareng hayamna?”

“*$@)^*(&^)&)”

 

Wildan Nugraha – Jatinangor

 

Biskuit Kaléng

 

Ceuk saurang présénter nu macakeun kalawarta dina hiji berita ngabéwarakeun; "Ati-ati ka sadayana masarakat, dina mangsa lebaran ieu seueur pisan biskuit kaléng palsu, tos kabuktosan dina lebaran taun kamari, seueur warga masarakat anu katipu, da geuning eusina téh sabangsaning ranginang, wajit, saremg opak."

 

Wiwin Winianingsih

Désa Campaka RT 03/07

Campaka – Cianjur

 

Lebaran

 

“Cing naon hartina lebaran?”
“Lebaran mah nya hari raya Islam atuh, sabada puasa meunang kabagjaan mangsa lebaran, baju anyar, opor hayam, jeung silih hampura!”

“Ah salah…”

“Naon atuh?”
“Lebaran téh hartina LEBAR da rék ninggAlkeuN bulan nu pinduh barokah.”

 

Wiwin Winianingsih

Désa Campaka RT 03/07

Campaka – Cianjur

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: