• Follow us on Twitter
  • Follow us on Facebook

Buru-buru

Kénging Apih Suratman
Kintun kana Facebook

“Buru ! Buru ! Buru !”

“Buru naon ? Ti tatadi ogé geus buru deui buru deui.”

“Taun baru téréh datang ! Urang Papag !”

“Geus dipapag ku burusut jeung burusut !”

“Naha burusut !”

“Loba dahar lada jadi murus ! He..he..he !”

 

Apih Suratman

Cimangkok - Sukabumi

 

Taun Baruan

“Urang Tunbar yu !”

“Naon  Tunbar  ?”

“Taun baruan !”

“Ah mending Bulkel !”

“Naon Bulkel ?”

“Nyukur bulu ketek !”

“Nanaonan kitu ?”

“Da kadugana ngan sakitu !”

“Kélék wungkul anu baru !”

“Oh.. Kelek baru atawa kelek bau?”

“Hi..hi..hi”

 

Apih Suratman

Cimangkok - Sukabumi

 

Bingung

Dadang: “Kunaon ari manèh hulang huleng waè, Dung?”

Dudung: “Keur bingung uing téh.”

Dadang: “Bingung kunaon?”

Dudung: “Honor carpon jeung Barakatak dina Manglé sabaraha nya?”

Dadang: “Naha makè nanya kitu?”

Dudung: “Carpon nu urang geus muat sakali, Barakatak sakali, tapi can aya waè wesèl, rèk nanyakeun ka rèdaksi èra...”

 

Encang Zaenal Muarif

SMAN 3 Banjar

 

Ngagorèng Daging ku Gajih

Budak: “Ma, ari hartosna paribasa ngagoréng daging ku gajih tèh naon?”

Indung: “Ngagorèng daging ku gajih tèh nghontal hiji cita-cita tapi teu ngamodal bèbèakan, cukup ku bari ngajalankeun usaha nu aya di jalan nu dicita-cita ku urang.”

Budak: “Lieur ah Ma, teu ngarti. Contoan atuh Ma.”

Indung: “Contona mah kieu wè, mun hayang ngalanggan maja­lah Manglé, keur mayarna mah cukup ku nulis carpon atawa Barakatak wé sing rajin.” 

Budak: “Ooooh…”

 

Encang Zaenal Muarif

SMAN 3 Banjar

 

Ngaran Tim Suksés Calon Gubernur

Ahmad Heryawan-Dedi Mizwar: Para Pencari Tuhan

Dede Yusuf-Lex Laksamana: Pasukan Bodrex

Rieke Dyah Pitaloka-Teten Masduki: Balad Bajay Bajuri

Yance-Tatang  Farhanul Hakim: Belum Ada Judul

 

Encang Zaenal Muarif

SMAN 3 Banjar

 

Mahal

- ''Mang, sabarahaan kacang panjang?''

+ ''Mahal!''

- ''Saladah?''

+ ''Sama, mahal!''

- ''Kalapa?''

+ ''Tah, kalapa mah...sama, mahal!''

- ''Mamang mah ngan wakca mahal dan mahal saja, mahal­na sabaraha?''

+ ''Salaksa sawadah!''

- ''Mahal-mahal amat? Salaksa candak dalapan saja nya?''

+ ''Mangga, asal...''

- ''Asal apa?''

+ ''Asal balanjana sadayana  sama mamang-mamangna!''

- ''?!''

 

Féndy Sy. Citrawarga

Bandung

 

Angot Mun Tara Mandi

Indung: ''Geura mandi ka dituh sakitu awak mani ledug téh!''

Budak: ''Ah, hayam gé tara mandi dagingna ngeunah!''

Indung: ''Nya heueuh, cacak manéh osok mandi kakapeu­ngan dagingna teu ngeunah, angot mun tara mandi!''

 

Féndy Sy. Citrawarga

Bandung

 

Menu Ngawadang Tas Juma­ahan

Kémod: ''Cik atuh menu ngawadang balik Jumaahan mah rada istiméwa manéhna, ulah sayur kacang deui sayur kacang deui, bosen!''

Mincreung: ''Nya heug,  minggu  hareup mah urang ngangeun korma jeung mais onta.''

 

Féndy Sy. Citrawarga

Bandung

 

Lucu

Aa : “Néng, tingal foto Aa keur alit, lucu nya?”

Rina : “Muhun, lucu pisan.”

Aal : “Kawas saha?”

Rina : “Kawas cucurut nganggé pita!”

 

Ella Kartika

Sasak Gantung-lengkong

 

Istri Binangkit

“Mah, masak naon ayeuna?”

“Hapunten Papah. Teu kabujeng masak. Mamahna riweuh.”

“Duh, karunya teuing. Wios atuh teu kedah.”

“Alhamdulillah.”

“Mah, tapi geuning kumaheun wadah satumpuk.. terus seseuheun nambru kénéh?”

“Muhun saur Mamah gé nuju riweuh puguh gé.”

“Riweuh naon?”

“FB-an sareng chating.”

 

Nina Rahayu Nadéa

Bandung

 

Teu Gaduh Artos

“Mah nyuhungkeun artos lah.”

“Bageur geulis wayahna nya, mamahna nuju teu gaduh artos,”

Kirining sora HP disada.

“Halo, badé ka saha?” ceuk budak kuring.

“Badé ka mamah aya teu?”

“Aya.”

“Kumaha mamahna damang?”

“Nuju teu gaduh artos.”

 

Nina Rahayu Nadéa

Bandung

 

Ka luar

Salaki : “Nyi, akang rék ka luar!”

Pamajikan : “Nyai ogé badé kaluar kang!”

Budak (ti kamar sabeulah) : “Uing miluuuu!!!”

 

Ella Kartika

Sasak Gantung-lengkong

 

Ngaran Ucing

Dudu : “Hadé euy ucing manéh mah, saha ngarana?”

Ida : “Panji Unggul Satria.”

Dudu : “Wow aagah euy ngarana, ari digeroanna kumaha?”

Ida : “PUS!”

 

Meta Melia

Jl. Banteng No. 122

 

Nyébor

Udin: “Jang, cebor tuh kembang di buruan?”

Ujang : “Pan nuju hujan, pa.”

Udin : “Maké payung wé, tong pamalésan manéh téh!”

 

Meta Melia

Jl. Banteng No. 122

 

Wafat

Innalillahi wa innaailaihi raji­un...... Mulih kajati mulang ka asal, dipundut ku nu kawasa. Parantos pupus pun hayam ku lantaran dipencit bieu, insya­allah badé dikurebkeun dina patuangan engké ba'da isya, mudah-mudahan almarhum hayam ditampi di sisi piring anu rubak sareng lalabna, neda piduana mugi simkuring aya dina kawareugan, ogé ulah kamerekaan, amin.

 

Afriliani - Jl. Bima No. 113

 

Ngambek

Oding : "Déwék bisa nahan kaambek lamun anu dihinana déwék, tapi moal cicing lamun bahasa déwék anu dihina!"

Apa : "Nyarékan saha ari manéh?"

Oding “Si belo, pa. pan si belo téh lahir di tanah sunda, teu pira ku uing ditanya 'geus nyatu acan?' Na da ngajawabna téh 'embééé.. Embééé' ngalécéhkeun pisan!"

Apa : "Har!"

 

Afriliani - Jl. Bima No. 113

 

Saré

Indung : “Geura saré atuh, Lain nyiuman waé guguling satéh!”

Budakna langsung peureun.

 

Agus Susanto

Jl. Gurame No. 245

 

Gelut I

Odo : “Manéh nantang?!”

Udi : “Heueuh, urang mah ngéwa ka manéh téh!”

Odo : “Kéla tungguan sakeu­deung nya.”

Udi : “Rék naon maké kudu nungguan?”

Odo : “Rék dahar heula, manéh rék milu?”

Udi : “Hayu atuh, urang gé lapar.”

 

Mita Armita

Parakan Muncang

 

Gelut II

Odo : “Sok atuh gelut téh!”

Udi : “Hayu!”

Odo : “Tapi ulah neunggeul beuteung nya...?”

Udi : “Naha?”

Odo : “Seubeuh kénéh eung…”

Udi : “Heueuh sarua atuh!”

Odo : “Mending ngaroko heula yu!”

Udi : “Hayu, yeuh urang boga duit dua rébu, samsu dua batangeun.”

Odo : “Heug! urang beulikeun.”

Udi : “Seuneut hiji nya, urang teu mawa korék.”

Odo : “Siaaappp!!!”

 

Mita Armita

Parakan Muncang

 

Ancur

Didi : “Batur mah boga motor ninja, hp blekberi, beungeut kasép, kabogoh geulis, ai uing coba?”

Ibro : “Ancur manéh mah…”

Didi langsung ngahinghing ceurik…

 

Agus Susanto

Jl. Gurame No. 245

 

Salah Tempat

Iis: “Bener kitu mun hayang jangkung kudu remen ngojay?”

Uus: “Bener pisan. Kumaha kitu?”

Iis: “Geuning lauk emas jeung jaér nu unggal poé ngojay teu jangkung waé?”

Uus: “Ari Iis... Meureun wé salah ngojayna bet di balong. Coba mun di laut, lauk paus ogé sakitu badag jeung jangkungna mun keur nangtung mah.”

 

Uus Rukasah

Jl. Raya Cicaléngka KM 24 Kab. Bandung

 

Nungguan Usum Hujan

Pa RW: “Cios geuning mésér kijang model anyar téh Pa Lurah. Naha henteu ti basa éta wé ari gaduh artos mah?”

Pa Lurah: “Puguh ngahaja Pa RW, nungguan usum hujan!”

Pa RW: “Naha kedah usum hujan?”

Pa Lurah: “Ari Pa RW... Pan supaya teu susah ngarit jukut keur parabna!”

 

Uus Rukasah

Jl. Raya Cicaléngka KM 24 Kab. Bandung

 

Mana anu Bener

Aki: “Cing saha anu apal naon pihartieunana tulisan anu unina; Awas hati-hati kalau berjalan di tempat gelap?”

Incu 1: “Bisi titajong meureun Aki maksudna mah.”

Incu 2: “Ari ceuk uing mah kudu ati-ati bisi kabentar gelap, Aki.”

Aki: “Mana anu bener nya?”

 

Kusda Gunawan

Gang Aman 13 Jl. Gunung Sabeulah Tasikmalaya

 

Calon Pimitohaeun

Awang: “Pajar énté téh jéger wanian, karak kadatangan Hansip saurang gé mani nyumput.”

Aweng: “Tong geruh! Pa Hansip téh.... calon pimitohaeun.”

 

Kusda Gunawan

Gang Aman 13 Jl. Gunung Sabeulah Tasikmalaya

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: