• Follow us on Twitter
  • Follow us on Facebook

Maraban

Kénging Uton Waluya
Kintun kana Facebook

Budak : “Keur naon, Pa?”
Bapa : “Pan kaciri ku Ujang, Apa mah keur maraban domba..”
Budak : “Ah.. bohong si Bapa  mah, lain maraban domba atuh!”
Bapa : “Naon Atuh?”
Budak : “Tapi jukut keur dibikeun ka domba.”
Bapa : “Didagor geura!!! Sarua éta-éta kénéh…”

Sarua Oonna
Nono : “Bro, uing nginjeum duit lah, tilu ratus rébu mah, hayang taun baruan ka ancol.”
Ibro : “Euweuh sakitu mah aya gé saratus rébu édék?”
Nono : “Nya, baélah! Berarti ilaing hutang ka déwék dua ratus rébu deui nya, iraha rék mayarna?”
Ibro : “Isukan lah…”

Dadan Firmansyah
Sasak Gantung No. 178

Diintrogasi
Guru : “Naha geus saminggu bolos waé sakola téh?”
Oding : “Pan hujan.”
Guru : “Terus mun hujanna sabulan, manéh dék kumaha? Naha moal sakola sabulan.”
Oding : “Nya nu pasti mah banjir atuh bu, ning bodo Ibu mah jadi guru téh.”

Sedi Setiawan-Jl. Bank 34

Karunya
Oon : “Mang, sanguna aya kénéh?”
T. sangu :Aya!”
Oon : “Deungeunna aya?”
T. Sangu :Aya!”
Oon : “Karunya euy, teu payu! Xixixi…”

Sedi Setiawan-Jl. Bank 34

Hilap
Guru : “Naon hartina forget?”
Ading : “Hilap bu!”
Guru : “Aah…! Bener-bener manéh mah, bodo téh dibéakeun ku sorangan, matak kudu loba ngapalkeun gé. Kahareuuup!”
Ading : “Haaar!”

Army Afrianty-Jl. Bima 12

Hitar
Udi : "Uing boga hitar anyar mérekna yamaha!"
Dodo : "Uing gé boga, sarua anyar."
Udi : "Mérek naon?"
Dodo : "Honda."

Army Afrianty-Jl. Bima 12

Taun baru
Ani : “Naon nu rék dilakukeun taun baru ayeuna ku Aa?”
Aa : “Rék ngaganti kalender ku nu anyar! Sabab geus sapuluh taun can ganti kalender!”

Novian Pratama-Jl. Kopo 142

Mana nu Bener?
Ayat: “Lieur ah kuring mah!”
Oyot: “Naon anu lieur téh?”
Ayat: “Ceuk Si Adun cenah Arab gundul téh aksara Arab nu teu maké jabar, jéér jeung péés. Naha ari ceuk Bi Irah mah cenah Arab gundul téh, Arab nu sirahna dugul alias lénang. Mana atuh nu bener?”

Salva
Jl. Pangaduan Kuda 132
Tasikmalaya

Naros
Guru : “Saha anu badé naros?”
Dadang : “Abdi buuu!” (Ngacung)
Guru : “Rék nanya naon?”
Dadang : “Ciyuuus..? Ibu ho­yong ditaros ku abdi?”
Guru : Euuhh!!

Teguh Arianto
Gang Nata No. 89 Binongjati

Kulkas
Toko : “Milari naon bu?”
Icih : “Kulkas, mang.”
Toko : “Anu sapanto, atawa anu dua panto?”
Icih : “Aah…! Anu sapanto wé, tapi anu aya jandélaan nya mang.”

Novian Pratama
Jl. Kopo No. 142

Seuri
Nono : “Ulah waka seuri, sa­acan sura!”
Rina : “Naha?”
Nono : “Nya enya atuh, piraku "seuri sura".

Adilla Ratu Rai
Jl. Pecinan No 112

Bohong
Incuna: “Wadul nya Ki, pajar buta sok ngadahar budak téh?”
Akina: “Na kumaha kitu?”
Incuna: “Geuning basa aya pagelaran wayang ku Ujang dicoo butana teu nanaon?”

Fitri Wulansari
 Bandung

Anéh Cenah
Ani: “Olahraga teh anéh. Saki­tu musuhna nu terus maju tapi wasit nyebutkeun nu mundur cenah juarana.”
Euis: “Na olahraga naon?”
Ani: “Tarik tambang..”
Euis: “Ani anu anéh mah. Nya pantes atuh tarik tambang mah.”

Salva
Jl. Pangaduan Kuda 132
Tasikmalaya

Seueur Pisan
Nu nanya: “Leres anjeun kantos ngiringan uji nyali dina telepisi téa?”
Bobi: “Leres!”
Nu nanya: “Aya nu ngajirim?”
Bobi: “Sanés aya tapi seueur pisan..”
Nu nanya: “Di mana éta téh tempatna?”
Bobi: “Di puseurna jin., di jalan Cihampelas!”

Fitri Wulansari - Bandung

Geus Ahli
Hiji poé, Si Amid kapanggih keur ngelepus ngaroko di pipir imah jeung baturna.
“Deuh, siah leutik-leutik geus diajar ngaroko…” bapana ngagidir ambek.
“Naon bapa, da henteu diajar, Amid mah geus ahli!” teu kireum-kireum.

Soma Somaludin-Karawang

Tuker Cingcin
“Kohar, bejana manéh geus tukeur cingcin euy, jeung saha?”
“Heueuh, jeung Bah Minta!”
“Har, geuning kalah jeung Bah Minta, lain jeung Nyi Mimin?”
“Can boga modal jeung Nyi Mimin mah, jeung Bah Minta mah ieu patuker-tukeur batu ali.”

Soma Somaludin-Karawang

Halodo
“Taun Baru téh sok hepi nyuyer !”
“Nyaeta jadi ngeyer bae hujan !”
“Kudu kumaha nya ?”
“Alusna kudu hallow do !”
“Hi hi hi hi hi ! Hallow do moal hujan !”

Apih Suratman
Cimangkok Sukabumi


Sate
“Cing urang teteguhan jeung kami; sate naon nu teu beak-beak, ti baheula nepi ka kiwari angger waé aya?”
“Sate naon nya? Sate teu didahar meureun!”
“Lain, ngerakeun waé urang Sunda teu apal mah, éta gedung sate!”

Soma Somaludin-Karawang

Linglung
“Ari kantor Majalah Manglé téh di jalan Lodaya No.19 pernahna dimana?”
“Éta di hareupeun kanto kalurahan Lodaya.”
“Ke, ari kantor kalurahan Lodaya di belah mana?”
“Enya éta di hareupeun kantor Manglé.”
“Ke… asa linglung ieu téh!”

M.H - IPB - Bogor

Ibu
“Ceuk urang mah bener euy awéwé mah kudu dihormat jeung dijungjung-jungjung téh.”
“Nya naha kitu?”
“Surga di telapak kaki ibu, ibu pertiwi, ibu kota, tuh kan babasaan ngeunaan Ibu mah loba, beda jeung bapa.”
“Heueuh nya!”

M.H - IPB - Bogor


Peta
“Ari pulau Kalimantan beulah manaeun pulau Jawa?”
“Luhureun Pa…” bari ningali peta nu ngajeblag.

M.H - IPB - Bogor

Darajat
“Ceuk babasaan mah indung téh tangkal duriat, bapa tangkal darajat!”
“Enya, anak tukang nuaran tangkalna!”
“59*$#^*^???”

M.H - IPB - Bogor

Bonus
“Kalender Baru! kalender baru!”
“Sabaraha bulan eusina ?”
“Biasa we dua belas bulan !”
“Ah hayang aya bonusan !”
“Aya ieu oge !”
“Bulan januari taun engke ?”
“Sanes,  Bulan Desember kamari !”
“Euh! Bonus haseum eta mah !”

Apih Suratman
Cimangkok Sukabumi

Beda Rasa
“Rek tepi ka Taun Baru teh asa lili pisan!”
“Naha rek naon kitu?”
“Pan rek kawin !”
“Puguh ceuk kuring mah asa gancang !”
“Rek naon deuih ?”
“Rek aya nu nagih !!!”

Apih Suratman
Cimangkok Sukabumi

Nu datang nu miang
“Rek naraon ka darieu ?”
“Abdi bade amit mundur da pancen tos rengse !”
“Dupi abdi dongkap bade mancen tugas ayeuna ka payun !”
“Enya maraneh téh saha ?”
“Abdi dua rebu dualas !”
“Abdi mah dua rebu tilulas !”
“Oh ! Nya jung nya hiap !”

Apih Suratman
Cimangkok Sukabumi

Cai Susu
“Cai naon nu beresih tur sehat?”
“Cai susu?”
“Ah dimana aya cai susukan beresih!”
“Dih, liwar ceuli dua ogé.”

Dana Darmawan-Sumedang

Lieur
“Aing mah lieur hirup téh!”
“Sarua atuh ari kitu mah jeung déwék!”
“Ari manéh lieur kunaon?”
“Ku hutang, raweuy!”
“Sarua!”

Dana Darmawan-Sumedang

Jangjang
“Naon sababna manuk bisa ngapung?”
“Sabab boga jangjang!”
“Naon sababna manuk boga jangjang?”
“Teuing atuh sia téh, nanya teu pararuguh keur rarudet téh!”

Dana Darmawan-Sumedang

Nanyaan
“Néng, kulantaran urang téh geus lila papacangan, kumaha waé mun ku Akang urang cangcang Néng téh?”
“Duh, Si Akang mah bet disarua­keun jeung embe Eneng téh, maké rék dicangcang sagala. Geus ah Kang semet dieu waé hubungan urang téh!” kitu­na téh bari tuluy ceurik ngading­diut.
“Aduuuhhh…” Lalakina langsung kapiuhan.

Dana Darmawan-Sumedang

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: