• Follow us on Twitter
  • Follow us on Facebook

Teu Kabéh Pandeuri

Kénging Wawan Kuswandi
Kintun kana Facebook

Rina: “Bener geuning, kaduhung mah datangna sok pandeuri.”
Rini: “Henteu kabéh. Aya anu kaduhung ti heula ogé.”
Rina: “Saha?”
Rini: “Anu nungtun domba galak.”

Ajrug-Ajrugan
Incu: “Nini, itu Si Aki nuju olahraga. Ajrug-ajrugan.”
Nini: “Lain olahraga éta mah Cu, pan bieu tas ngadahar ubar Aki manéh mah.”
Incu: “Kumaha kitu?”
Nini: “Cenah mah poho méméh didahar ubar téh teu dikocokkeun heula. Jigana ayeuna keur dikocok dina beuteungna.”

Wawan Kuswandi
 Blok C Vijaya Kusumah
Bandung

Tong Ribut
Bi Umi: “Tong ribut! Cép Wawan karak oge kawin sataun geus boga anak tilu!”
Mang Umi: “Maenya bisa kitu?”
Bi Umi: “Puguh héran kami ogé. Tapi cenah mah kawinna téh ka randa anu geus boga anak tilu.”

Nunung Samsiar
 Jl. Cicukang RT 02/05 45
 Bandung

Alesan Kuat
Patugas: “Kapaksa anjeun kudu ditahan!”
Jang Adun: “Naon margina Pa?”
Patugas: “Sabab tumpak motor di jalan tol!”
Jang Adun: “Bapa uninga naon margina sim kuring tumpak motor ka jalan tol?”
Patugas: “Naon?”
Jang Adun: “Margi sim kuring henteu gaduh mobil.”

Nunung Samsiar
 Jl. Cicukang RT 02/05 45
 Bandung

Sarua Gejulna
Nyai : “Ari akang nyaah teu ka nyai?”
Akang : “Nya puguh wé, bet ka pamajikan batur gé nyaah, komo iey mah sasatna ka pama­jikan akang sorangan.”
Nyai : “Nuhun kang.”

Nani Afriliany
Jl. Merkurius No. 12
Margahayu

Meuli Sangu
Adi : “Kira-kira jam sakieu alfamart muka kénéh teu, nya?”
Ono : “Muka atuh, karék gé jam salapan. Rék meuli naon kitu?”
Adi : “Rék meuli sangu, teu kuat lapar...”

Herman Syuryaman
Cihampelas No. 134

Pulsa
Udin : “Pang meulikeun pulsa nu 10 rébu ka konter!”
Ibro : “Okéh... mana atuh mangkokna, ngarah teu bahé?”
Udin : “Haarrr…!”

Herman Syuryaman
Cihampelas No. 134

Lungguh
Aa : “Naon anu dipikaresep ti Aa, néng?”
Enéng : “Aa mah lungguh, tara seueur carios, cicingeun, terang-terang busiat wéh!”
Aa : “Euuhhh…”

Imam Saefulloh
Astana Anyar No. 56


Saliwang
Omah : “Ku rasa tak perlu, untuk kau kembali, untuk bercinta dengan aku lagih.. terlambat, kini aku sudah benci.”
Odon : “Haaaah! Banci?”

Tata Rohiman
Ciganitri No. 23

Siga
Ujang : “Ma! Di luar hujan meuni gedé.”
Ema : “Heueuh, nu matak manéh gé cing segut mun dahar téh, ngarah téréh gedé siga hujan.
Ujang : “Haaaar?!!”

Lita Lestiani
Leuwigajah-Cimindi No. 34

Petinju
Bapa : "Ningali dedegan awak jeung beungeut manéh mah, sigana cocok mun jadi petinju, Jang?"
Ujang : "Alim ah, pami maké sarung tinju mah teu bisa ngorong."

Reni Tresnasari
Jl. Cibadak No. 45

Bodor Garing
Omon indit ka Jakarta, manéhna leumpang da teu boga ongkos....
Taaaah... kajadian anu lucuna mah engké wé, pas Omon nepi di jakarta. Jadi dagoan heula wé da karék gé nepi Padalarang.”

Dodi Irawan
Babakansari – Garut

Kémping
Dodo : “Urang ka deukeut jurang nu éta yu?”
Ojo : “Rék naon kitu?”
Dodo : “Rék nyuntrungkeun manéh ka jurang, supaya uing euweuh saingan meunangkeun néng Nani…”

Noor Mulyani-Antapani. 23

Napsu
Dudu : “Duuuung, urang ameng yu...?”
Bapa : “Aya naon jang nyampeur Si Udung?”
Dudu : “Badé ngajak gelut téa ka Si Udung, Pa.”
Bapa : “Sok asup heula atuh jang, Si Udungna keur mandi heula.”
Dudu : “Wios di dieu pa, keur narapsu yeuh…”

Noor Mulyani-Antapani 23

Khotbah Jum’ah
Baheula kuring boga impian hayang jadi kyai. “Wahhh kacida resepna mun jadi kyai, bisa mamatahan batur, cera­mah, jeung sajabana,” gerentes haté kuring. Tapi geuningan kanyataanana hese jadi kyai téh. Eta weh karek ge sakali-kalina jadi khotib juma’ah kalaka dipoyok ku jamaah. Alatan­ana mah kuring poho alias tisoledat letah waktu ngamimitian khutbah ngo­mong kieu: “Para hadirin, hamba sahaya yang berbahagia.”

Sofian Munawar Asgart
Jl. Dewi Sartika,
Parunglesang
Banjar - Kota Banjar 46311  

Sa-Profesi
X : “Didamel dimana Pak?”
Y : “Ahhh damel di bumi we pribados mah!”
X : “Naha, geuning  … memang na tiasa dines di bumi?”
Y : “Naha make teu tiasa sagala? Ari anjeun emang dines di mana?”
X : “Nyaaa di kantor atuh Kang!”
Y : “Lhooo, memang pami dines kantoran tiasa bari fesbukan?”   
X : “Naha make teu tiasa sagala?”
Y : “Emang dikantoran teh didamel naon Kang?”
X : “Ahhh  Pesbukan wehh.  Ari  salira?”
Y : “Harrrr, geuning urang teh sa-profesi…”

Sofian Munawar Asgart
Jl. Dewi Sartika,
Parunglesang
Banjar - Kota Banjar 46311   

Prinsip Hirup
Masing-masing jalma nga­boga­an prinsip hirup anu beda-beda. Geura wé:
Jalma miskin: “Ada sama dimakan, tak ada sama ditahan!”
Tukang dagang: “Wantun galeuh teu wantun ulah digaleuh!”
Sopir Angkot: “Star, stir, stor.”
Koruptor: “Halal, haram, hantam!”
Pangarang Barakatak: “Senang, susah, nu penting hahaha…”

Agus B. Irawan
Desa Neglasari
Cisompet – Garut

Jagoan
Ocid: “Enya hebat! Bener-bener kuat jeung jagoan ieu mah! Sakitu geus sababaraha balikan digeleng ku kereta api, tapina teu kerel-kerel, teu cecel teu bocel!”
Abud: “Saha kitu Cid?”
Ocid: “Éta… Erel!” (bari ngaleos).

Agus B. Irawan
Desa Neglasari
Cisompet – Garut

Intropeksi
“Sakapeung mah kuring sok hayang seuri sorangan na jero haté, lain nyeungseurikeun batur-batur teuing tapi nyeung­seurikeun kalakuan diri sora­ngan basa kuring ngaliwat ka pasar ningali nu dagang calana jero awéwé. Bari panon molotot kana cangcut haté ku­ring ngagerentes kieu, urang mah hayang­na eusina cangcut wung­kul ari meuli wadahna mah (cangcut) kacaduna!”

Khonzhlenk
TB Sumber Terang
Ds/Kec. Pagelaran – Cianjur
43266

Nurustunjung
Imas: “Dulur aing mah satungtung hirupna can pernah ngalaman nyeuri panon, rabun sok komo deui katarak!”
Ema: “Alus pisan atuh ari kitu mah!”
Imas: “Disebut alus pisan kumaha, da dulur urang mah ti kodratna ogé geus lolong alias teu neuleu!”

Khonzhlenk
TB Sumber Terang
Ds/Kec. Pagelaran – Cianjur
43266

Nu Hampang
“Aduh…  ngarana budak Sunan Brilian mah berat teuing!”
“Ari kitu ngaranna hayang nu hampang lin?”
“Naon tah naranna nu hampang?”
“Nya Oons wé lah alias 0 ons jadi teu berat saeutik-eutik acan!”

Khonzhlenk
TB Sumber Terang
Ds/Kec. Pagelaran – Cianjur
43266

Bisi Ogé
“Mun ngabuburak teroris pemerin­tah geus boga Densus alias data sement khusus anti teroris, kumaha mun pemerintah rék nyaan ngabuburak korup­tor ku ngabentuk Densus BAKEKOK alias Detasement khusus Basmi KEjinya KOrupsi Kita. Satujuuu…!!!”

Khonzhlenk
TB Sumber Terang
Ds/Kec. Pagelaran – Cianjur
43266

Tuang Putra
“Dupi ayeuna tuang putra sabaraha?”
“Dih, kawas ucing waé ngadaha­ran budak, ari silaing eling?”
“Har… ditaros leres-leres téh.”

Ami Aminah
Babakan Ciawi
Naringgul – Cianjur

Peuting Panganten
“Nyi, teu kenging bendu nya, saleresna ali nu janten maskawin téh sanes berlian, tapi kaca biasa.”
“Teu sawios Kang, da abdi ogé asli tapi pal palsu sapertos maskawin!”
“???”

Ami Aminah
Babakan Ciawi
Naringgul – Cianjur

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: