• Follow us on Twitter
  • Follow us on Facebook

Kabéh Meunang

Kintun kana Facebook

Udin: “Pamilihan Gupernur jeung Wakilna di urang téréh nya?”

Ohim: “Enya, lamun teu salah mah bulan Pebruari!”

Udin: “Cik  ceuk anjeun saha anu bakal meunang?”

Ohim: “Kabéh ogé bakal meunang!”

Udin: “Anu baleg, maenya kabéh meunang!”

Ohim: “Kabéh ogé bakal meunang sora mah, tapi sora saha anu panglobana uing teu nyaho, da uing lain paranormal!”

 

Memet AJ

Pasanggrahan No. 51 RT 01/09

Idihiang - Tasikmalaya

 

Anggota DPR

Karna: “Taun dua rébu opat welas sayah rék nyalonkeun anggota DPR. Sugan wé ari geus jadi anggota DPR mah hirup téh senang!”

Oding: “Enya atuh ari mampu mah. Calon ti Partai naon?”

Karna: “Ti Independen!” (pede pisan)

 

Memet AJ

Pasanggrahan No. 51 RT 01/09

Idihiang - Tasikmalaya

 

Bohong

Saurang pangusaha kai, nanya ka calon pagawena.

“Naha manéh kungsi nuar kai?”

“Kantenan atuh. Sim kuring biasana nuaran kai di Sagara Keusik!”

“Ngabohong manéh, da disagara keusik mah euweuh kaian?”

“Teu aya kaian téh, pan saparantos ku abdi dituaran.”

 

SHM – Bandung

 

Cita-cita

“Cing Jang, ari geus gede jaga yang jadi naon? Dokter atawa profesor?”

“Ah, abi mah hayang jadi tukang traktor… meh gagah katingalna.”

“Ckckck… ari budak nya pikiranana téh.”

 

SHM – Bandung

 

Pinter Mana

“Ceuk manéh pinter mana hayam hideung jeung hayam bodas?”

“Duanana ogé pinter meureun!”

“Is, nu puguh mah pinter hayam hideung. Hayam hideung mah bisa nyieun endog warna bodas, ari hayam bodas mah teu bisa nyieun endog warna hideung.”

“Enya nya…”

 

Ajat Sudrajat – Sumedang

 

Nguseup

“Keur naon tateh, Jang?”

“Nuju nguseup, Bah!”

“Kumaha, loba laukna euy?”

“Teu katingal Bah, kahalangan ku cai.”

“Déwék mah nanya soteh, nu nyanggutna loba teu?”

“Ah, biasa waé Bah, nu nyanggut mah hiji-hiji.”

 

Ajat Sudrajat – Sumedang

Kirim Koméntar tina Facebook

Koméntar (3)

Radén Putra Bangbang Addud Tattép Kutadireja endog leunca kokondangan belekok samidin tasik jawa barat indonésia ti sabang nepika maroké suhu maksimum opat puluh lima darajat sélsius.

Manglé sing jadi pangéling-ngéling teureuh sunda nu séjénna...

Darsono Resadikara

padahal hayam bodas oge pinter, sabab bisa nyieun kalangkang hideung, ari hayam hideung pan teu bisaeun nyieun kalangkang bodas...

Duduh Durangduraring

" Wa'as majalah mangle, pun bapa langganan waktos sim kuring nuju bolon 1980. sim kuring sok niggal barakatak, kapungkur mh sok aya si mamih karya Edyana latif. mun di ayakeun deui si mamih kumaha tah Pemred?....Hatur nuhun"

Kirim Koméntar

Jenengan
Alamat Émail
Alamat Wéb
Koméntar
Serat Kodeu: