• Follow us on Twitter
  • Follow us on Facebook

Eulis: Mangsa Girimis Ngepris di Buruan

Kénging I Wahyudi Sofyan
Kintun kana Facebook

Kahatur: AMM

 

Sok rajeun betah neuteup buruan nu asri ku kekembangan nu

meujeuhna laligar. Kembang malati nu hibar katumbirian,

lir imut anjeun mangsa tepung kagandrung méméh wawangi asih

ngawalungan dina sungapan tresna. Bobodasna, kaendagkeun,

kaeunteupan ciibun tina girimis nu teras-terasan ngepris maseuhan

pucuk-pucuk kembangna.

Geuning salira mah sok anteng upami girimis teras-terasan ngeprulan

saamparan kembang téh. Kapan lebah dinya, anjeun sok bangun bungah

bari teu weléh ngumbar imut.

“Énjing mah urang petik kembangna, Engkang,” ceuk anjeun mangsa héman

pataréma jeung keleterna keteg jajantung.

Lah, ieu rasa teuing ku geugeut ka salira, Eulis.

 

Garut, 22 Januari 2013


 

Antara Urang

 

Antara urang renung harepan

ngembang katresnan

antara urang renung kagandrung

ngembang midangdung

 

Antara urang

pada-pada keteg miati

ayeuna

jaga

salawasna 

 

Cidadap, 5 Oktober 2012


 

Gandrung

Guligah nyongkab jeroeun dada

ngulisik ngeunteupan lamunan nu dirurub kahéman

bet natrat kélat jorélat nu ngan sakolébat

anteng ngukuntit mamaras rasa nu liwung ku kagandrung

Isola, 25 Pebruari 2012

 

Kirim Koméntar tina Facebook

Koméntar (1)

alberth gustaf

Menarik sekali ada rasa kerinduan,saat2 masih kecil,dan dibesarkan ditatar pasundan Bandung selatan.Sukar untuk dilupakan,dan selalu menjadi kenangan.Sunda takkan hilang dihatiku.

Kirim Koméntar

Jenengan
Alamat Émail
Alamat Wéb
Koméntar
Serat Kodeu: