• Follow us on Twitter
  • Follow us on Facebook

Sajak Ihung

Emih Rebus

Kintun kana Facebook

 

Sajeroning ngaemih haté mah  leuleus

Lelenyapan

Ngarumpuyuk siga rebus

Cengek ditoelan

Kalah nyipta-nyipta lalampahan

Endog lebur

Kokonengna bacacar na implengan

Wow

Di naraka

Apan kabéh digodog

Meureun leuleusna leuwih ti emih

Tambaga anu ngagolak kudu didahar sapuasna

Embung gusti

Ampun

 

2013

 

Kumbahan

 

Piring harerang

Gelas nyaracas

Sendok garpuh tinggurilap

Sadaya tas dikumbahan

Ana ret ka lampah

Ya alloh

Beyedug kekebul

Lamokot

Goreng-goreng hayang najong

Emh ning balastrang ningan

Cukup so klin sausapan

Eunceuneung bawaning kudrat

Ati diri

Boa teu petot tobat

Angger dosa teu kaberesihan

Nyana kieu

Asa mulya kénéh tetenong tinimbang waruga jalma

Waruga kuring nu teu mangrupa

 

2013

 

Hurip

 

Nuju alim nanaon

Hoyong anteng hulang-huleng

Barasat meunang barokah

Kenging pituduh ti gusti alloh

Ngajungkiring jalma suci

Hirup hurip ku  harepan.

Amin

 

2013

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: