• Follow us on Twitter
  • Follow us on Facebook

Préman jeung Prémanismeu

Kénging Rumpaka
Kintun kana Facebook

“Asa ku ramé lalajo berita téh, Lo.”

“Berita naon, Mang?”

“Berita dina tv.”

“Maksud téh berita ngeunaan naon?”

“Ngeunaan préman nu ditéwak, Lo.”

“Oh, Herkules jeung anak buahna?”

“Enya.”

“Atoh teu atoh uing mah ku ditéwakanana para préman téh.”

“Har?”

“Atohna, nya tangtu baé masarakat bakal ngarasa aman, apanan ketak para préman téh sok remen ngaresahkeun masarakat, Mang.”

“Ari teu atohna?”

“Inggis ukur ngaramékeun situasi pulitik wungkul, kalawan aya maksud-maksud anu nyamuni.”

“Ih, ulah goréng sangka, Lo.”

“Lain goréng sangka, ieu mah ukur inggis.”

“Beu. Tapi kétang pasualan préman téh lain ukur di nagara urang wungkul, Lo.”

“Bener, Mang. Malah di batur mah aya kelompok préman anu organisasina kacida kuatna.”

“Samodél mafia?”

“Enya. Ti saprak mucunghul dina taun sarébu dalapan ratusan, organisasi kriminal Italia anu kawéntar ku sebutan mafia téh geus ngawasa segi sosial jeung ékonomi di Itali, tuluy nyebar ka nagara-nagara séjén, malah nepi ka Amérika sagala.”

“Baruk?”

“Nepi ka danget ayeuna masih aya sababaraha kelompok anu akitp kénéh di Amérika Serikat, di antarana The Sicilian Mafia, The Camorra atawa Neapolitan Mafia, The ‘Ndrangheta’ atawa Calabrian Mafia, jeung The Sacra Corona Unita atawa United Sacred Crown. Éta kelompok para préman téh sumebar di kota-kota gedé di Amérika Serikat, kayaning di California, New York, New Jersey, jeung Philadephia. Sésana ngawasa daérah Kanada, Amérika Selatan, Ustrali, jeung nagara-nagara di Éropah, Mang.”

“Ambuing.”

“Kajahatan utama maranéhna nyaéta ngédarkeun narkoba,  judi ilégal,  pencucian uang, political corruption atawa korupsi, extortion atawa pemerasan, nyulik jelema, fraud atawa lampah curang sarta licik, jeung kajahatan-kajahatan séjénna. Cenah mah kauntungan maranéh ngahontal ratusan miliar dollar saban taunna.”

“Beu.”

“Lamun di Éropa aya mafia, di Jepang aya yakuza, sarta di Cina mah aya triad.”

“Kalakuanana sarua jeung mafia nyah, Lo.”

“Nya enya atuh, Mang. Da sarua préman kénéh.”

“Tah, ngeunaan préman téa, Lo.”

“Kumaha, Mang?”

“Kalakuan-kalakuan préman modél ngédarkeun narkoba, meres jelema, korupsi, pencucian uang, lampah curang atawa licik, jeung sajabana téh maci nyah lamun disebut prémanismeu?”

“Maci, Mang.”

“Kalakuan préman atawa prémanismeu saperti nu bieu ditataan éstu leuwih bahaya tibatan jéngléngan prémanna sorangan. Mana komo lamun éta prémanismeu téh geus sumarambah ka para pangawasa, pulitikus, pangusaha, jeung kaom pendidik. Lamun geus kitu tangtu korupsi bakal terus mahabu, kalakuan para élit pulitik beuki ngagalaksak, pangusaha beuki curang, jeung kaom pendidik teu bisa ngadidik dirina sorangan atuh komo deui ngadidik anak batur.”

“Innalillahi ari kitu mah, Mang.”

“Enya. Matak ngaberantas préman téh kudu jeung prémanismeuna.”

“Amin.”

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: