• Follow us on Twitter
  • Follow us on Facebook

Ari diarah supana kudu dijaga catangna

Kintun kana Facebook

Hartina

Barang atawa pangaboga nu ngahasilkeun kudu dipiara ngarah hasilna mayeng.

Harti dina basa Indonesia

Benda atau kepemilikan yang menghasil-kan harus dipelihara agar terus menghasil-kan.

Pedaran

Kang Aman boga kuda. Biasa dipake usaha di tempat pariwisata. Disewakeun ka barudak nu piknik ka eta tempat. Usaha kitu teh turunan, da asalna mah bapana. Ngan, sanggeus bapana rarempo, usaha kitu teh diteruskeun ku Kang Aman.

Conto dina kalimah

“Kuda teh modal keur urang mah, matak sing alus piara. Upama diarah supana kudu dipiara catangna,” ceuk bapana Kang Aman.

 

Asa aing uyah kidul

Hartina

Boga rasa pang unggulna, asa leuwih ti batur.

Harti dina basa Indonesia

Angkuh, sombong.

Pedaran

Pantes teu pada mikaresep ge, da Jang Atok mah sok ngarasa pangunggulna. Ka batur teu weleh ngahina. Matak, dina hiji waktu mah, ku Kang Arman ge dipapatahan.

Conto dina kalimah

“Jelema mah taya nu punjul. Masing-masing boga kaunggulan boga kakurangan. Teu hade asa aing uyah kidul” ceuk Kang Arman.

 

Asa ditonjok congcot

Hartina

Meunang kabungah anu teu disangka-sangka.

Harti dina basa Indonesia

Mendapatkan keuntungan atau kebahagia-an  yang tidak disangka-sangka.

Pedaran

Bibi Neng Nita datang ti Jakarta. Malah mere duit sagala manehna teh. Neng Nita bungaheun naker.

Conto dina kalimah

“Atuh puguh we Nita teh asa ditonjok congcot, nya?" ceuk Ibuna ka Neng Nita.

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: