• Follow us on Twitter
  • Follow us on Facebook

Ékol PLN

Kénging Rumpaka
Kintun kana Facebook

“Telat mayar sakeudeung gé geus disuratan, tuluy listrik dipareuman.”

“Galak ari kana tagihan mah nyah, PLN téh.”

“Enya. Teu kaur liwat ti tanggal dua puluh, haté deg-degan baé, sieun listrik dipareuman.”

“Teu cara kana ningkatkeun pelayanan, hararésé pisan nyah, Mang?”

“Enya, Lo. Kapan di urang gé meus-meus aliran, meus-meus aliran.”

“Ku réa ékolna ari PLN.”

“Ékol kumaha, Lo?”

“Cenah mindeng aliran téh alatan volumeu cai di pembangkit listrik kurang, aya gangguan itu téa ieu téa.”

“Beu.”

“Jeung nu leuwih pikasebeleun deui, Mang…”

“Kumaha, Lo?”

“Éta tihang listrik ngajegir hareupeun imah uing, sugan aya carita aya basa saeutik mah.”

“Teu méré konpénsasi nyah PLN téh?”

“Teu sapérak-pérak acan, Mang.”

“Gusti, nepi ka kituna.”

“Malah listrik ogé teu dibéré keringanan. Mayar listrik unggal bulan angger mahal. Telat mayar sakeudeung gé angger dipareuman.”

“Teu boga rasa terima kasih ari kitu mah.”

“Enya. Malah ka masarakat anu aya di jalur sutet ogé arang langka kadéngé mayar atawa méré konpénsasi PLN téh.”

“Emh.”

“Nu leuwih telengesna PLN, Mang.”

“Kumaha, Lo?”

“Méh saban taun TDL ditaékkeun. Teu paduli rayat jumerit, lantaran naékna listrik téh sok dituturkeun ku naraékna hahargaan.”

“Naon cenah alesanana TDL téh bet remen ditaékkeun, nyah?”

“Cenah mah pikeun ngurangan beban subsidi nu terus ngabeukahan.”

“Ah, boa ukur ékol PLN éta mah, Lo.”

“Bisa jadi kitu, Mang.”

“Bisa jadi kitu kumaha, Lo?”

“Réa pihak nu meredih sangkan PLN terbuka ka masarakat, bruk-brak, daék diaudit.”

“Ditedunan?”

“Asa can kadéngé PLN nedunan éta pamarédih.”

“Lamun kitu unsur ékolna gedé Lo.”

“Papadaning kitu, Mang.”

“Kumaha, Lo.”

“Urang gé ulah waka suudon.”

“Aéh enya, nya.”

“Pikeun ngurangan bangbaluh masarakat kuring kungsi nimu usul anu alus, Mang.”

“Usul kumaha, Lo?”

“Aya anu usul sangkan listrik téh ulah dimonopoli ku PLN. Lamun éta monopoli geus dileupaskeun gedé kamungkinan tarip listrik bisa leuwih murah.”

“Asa teu kaharti ku Mamang mah, Lo.”

“Misalna baé waktu telepon dimonopoli ku Telkom, Mang. Kapan hargana kasebut mahal. Tapi sanggeus réa mucunghul pausahaan télékomunikasi mah geuning jadi murah. Ku duit lima rébu ogé kapan ayeuna mah bisa boga pulsa. Bisa nelepon, bisa ngasms.”

“Bener, Lo.”

“Nu jadi masalahna, Mang.”

“Naon deui, Lo?”

“Daék moal nya PLN atawa pamaréntah ngaleupaskeun monopoli listrik.”

“Wallohualam.”

***

 

Kirim Koméntar tina Facebook

Koméntar (2)

adenendul

kirang seukeut nini nyarois teh...kuenbae jaman demokrasi ieuh ayeuna mah

si aki mah ngababayut....sieun dipaehan listrik masihan,hahaha

adenendul

kirang seukeut nini nyarois teh...kuenbae jaman demokrasi ieuh ayeuna mah

si aki mah ngababayut....sieun dipaehan listrik masihan,hahaha

Kirim Koméntar

Jenengan
Alamat Émail
Alamat Wéb
Koméntar
Serat Kodeu: