• Follow us on Twitter
  • Follow us on Facebook

Runtah

Kénging Ihung
Kintun kana Facebook

Miceun runtah sabagian tina iman

cenah, cék nu kadéngé kapireng

runtah naon?

cék kuring ka badul jagong, ka tetelar, ka kompor nu bitu na waruga

runtah pelastik, runtah nu hangru ku bau cangcut, kéré mujaér, nu inggeung ku lini ageung

Kamana miceunna? Ujang  jabrig, wawan gobang, komunitas penjilat tuhan pipilueun milu nanya.

(tacan kapireng jawaban, kalah jempling, ukur sora delman kuluntang-kulinting.

poé nya tuluy nyérélék

orok ngolotan

parawan Bandung nyarieunan padung)

nya buang pada tempatna, atuh

sok widung…

ujug-ujug plang sagede gunung ngajeblag dina irung

 

2013

 

Cangkang Kopi

 

Cangkang kopi

ngulahék luhureun tipi

sumegruk

siga ngeluk

siga bueuk

siga hanjakal

diri cakeutreuk hideung

tuluy dijugang

ngajubleg teu leyur-leyur

 

2013

 

Carancang

 

Rénghap deui

netep poé deui

poé deui-deui kaluli

beurang deui

peuting deui

rinyuh narangtang na bilik

ngajak jogol

balitungan

saha nu nahnay ku  poyan lugar

 

2013

Kirim Koméntar tina Facebook

Koméntar (1)

rais purwacarita

hirup mah ukur sigan jeung sugan mu nahnay ngadagoan dina tungtung impian nu dijeun saban nutup sawangan urang teang bae da kawajiban

Kirim Koméntar

Jenengan
Alamat Émail
Alamat Wéb
Koméntar
Serat Kodeu: