• Follow us on Twitter
  • Follow us on Facebook

Ti Bandung keur Balarea

Kénging Rumpaka
Kintun kana Facebook

Pilihan pamingpin, teu weléh nyimpen harepan.  Najan teu bisa nganjang ka pagéto, harepan poe isuk leuwih hadé batan kamari mah, geus samistina. Ku kituna, pamingpin anyar mah, teu weléh ‘nawarkeun’ harepan anyar.

Mun warga Bandung miharep boga pamingpin leuwih hade batan nu engeus-enggeus, memang kitu kuduna. Ngan hartina, medalna harepan kitu téh kudu dibarung ku tanggung jawab wargana. Dina milih walikota ge, ulah  saukur ngalaksanakeun hak.

Upama pupuhu kota Bandung jadi andelan, mémang teu sing anéh. Kitu téh  luyu jeung kalungguhan ieu kota. Bandung, lain keur  éta wewengkon wungkul, da ibu kota Propinsi Jawa Barat. Atuh pangaruhna gé bakal ngaliwatan wates-wates éta kota.

Nilik kana potensina, samistina deuih jadi tinimbangan sakumna nu boga karep jadi pamingpin. Bandung téh kota pendidikan, kota seni, kota mode, jeung sajabana. Jujuluk Bandung kawas kitu, ngagambarkeun kalungguhan jeung harepan. Hartina, nu mingpin kota Bandung mah, kuduna gé lain jalma  jore-jore. Sabab, kudu mampuh mateahkeun sagala rupa nu nyamapk di ieu kota.

Mitra, tumali sareng pilihan walikota Bandung, Mangle nomer ieu medalkeun hasil wawancara sareng Prof. Dr. H. Asep Kartiwa, SH., M.Si., Guru Besar  Universitas Padjadjaran (Unpad)  Bandung. Prof. Asep nataan ‘kriteria’ nu samistina dipimilik ku calon walikota Bandung. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: