• Follow us on Twitter
  • Follow us on Facebook

Satpol PP
Kudu Jadi Jagabaya Tatar Jabar

Kénging Ayie Sundana
Kintun kana Facebook

Gubernur Jawa Barat Ahmad Heryawan mimpin “Gelar Pasukan Satuan Polisi Pamong Praja (Satpol PP) jeung Satuan Perlindungan Masyarakat (Satlinmas). Kagiatan ieu digelar sarta dipiluan ku Satpol PP jeung Satlinmas sa-Jawa Barat téh mangrupa  wujud kasiapan pamarentah daerah dina raraga ngalaksanakeun amanat UU No. 32 Tahun 2004 ngeunaan Pamarentahan Daerah, nyaeta “urusan wajib penyelenggaraan ketertiban umum dan ketenteraman masyarakat”, utamana dina widang “perlindungan masyarakat”.
Gelar Pasukan ieu sakaligus mieling Satpol PP anu ka 63 jeung Satlinmas anu ka 51. Acara mieling anu digelar babarengan ieu mangrupa tanda yen widang perlindungan masyarakat geus jadi salah sahiji fungsi Satuan Polisi Pamong Praja. Hal ieu dina enggoning tarekah pikeun ngahontal visi Satuan Polisi Pamong Praja Provinsi Jawa Barat, nyaeta “Terdepan dalam Penegakan Peraturan Daerah dan Pemeliharaan Ketertiban Umum serta Perlindungan Masyarakat untuk Menunjang Efektivitas Pemerintah Daerah Provinsi Jawa Barat Tahun 2013”.
Dina biantarana gubernur netelakeun dina urusan katartiban umum Satpol PP boga gawe minangka garda  panghareupna luyu jeung UU No. 32 Tahun 2004, Pasal 148. Lian ti éta Satpol PP dipiharep sangkan bisa ngabantu kepala daerah dina ngalaksanakeun paraturan daerah jeung digelarna katartiban umum jeung katengtreman masarakat.

“Tangtosna oge sadaya pancen ieu téh dilaksanakeun ku standar profesionalisme anu mayunkeun kapentingan umum,” ceuk gubernur.
Nurutkeun gubernur luyu jeung jejer dina gelar pasukan nyaeta: ”Satuan Polisi Pamong Praja dan Satuan Perlindungan Masyarakat Konsisten Menjaga Citra dan Wibawa Pemerintah Daerah melalui Tugas Pokok dan Fungsi”. 

Kusabab kitu dina ngalaksanakeun pancenna, wajib ngalarapkeun prinsip koordinasi, integrasi jeung sinkronisasi, boh dina lingkungan masing-masing ,boh antar satuan organisasi di lingkungan Satpol PP, sarta instansi sejenna di luar Satpol PP luyu jeung tugas utama, sarta kudu leuwih mentingkeun prinsip panataan.
Kusabab kitu dina raraga negakkeun peraturan perundang-undangan Daerah jeung palaksanaan katartiban umum jeung ketenteraman masyarakat, Satpol PP salawasna babarengan jeung aparat penegak hukum, utamana jeung kapolisian di tingkat daerah, OPD Provinsi, Satpol PP Kab/Kota sarta OPD Kab/Kota. Pola ieu oge diterapkeun dina hal gawe bareng dina dilaksanakeunana katartiban umum jeung katentreman masarakat di wilayah wates Provinsi Jawa Barat jeung Jawa Tengah, Banten jeung DKI Jakarta.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: