• Follow us on Twitter
  • Follow us on Facebook

Parobahan Kalima UUD 1945
Ti DPD-RI Jawa Barat
keur Nguatan Nagara

Kénging Rudi H
Kintun kana Facebook
Mangle
sosialisasi DPD-RI ngeunaan usulan parobahan UUD 1945 [Potrét/Ilustasi: rudi]

Poko-poko usulan Dewan Perwakilan Daerah (DPD) RI ngeunaan  parobahan kalima UUD 1945, terus dibewarakeun.  Anggota DPD RI asal Jawa Barat, Dra. Hj. R. Ella M. Giri Komala, MM.Pd., netelakeun, sosialisasi parobahan kalima UUD 1945 minangka upaya nguatan bakti DPD-RI keur nguatan nagara. Kitu diantara biantarana waktu acara Focus Group Discussion DPD-RI gawe bareng jeung DMI Wilayah Jawa Barat, Rebo 24 Juli 2013.

Acara diskusi euyeub pisan. Kitu deui narasumber jeung pamilonna ti sababaraha tokoh penting di Jawa Barat. Diantara wae narasumber nu hadir harita, lian ti Dra. Hj. R. Ella M. Giri Komala, MM.Pd., oge aya Prof. Dr. H. Deddy Mulyasana, M,Pd., Drs.  Dedi Djamaludin Malik, M.Si., Drs. HR. Maulany, Prof. Dr. H. Irman Putra Sidin.

Aya 10 usulan parobahan UUD 1945, nyaeta : 1. Nguatan sistem presidensial, 2. Nguatan lembaga perwakilan, 3. Nguatan Otonomi Daerah, 4. Ngeunaan calon presiden perseorangan, 5. Misahkeun antara pemilu nasional keung lokal, 6. Forum previlegiatum, 7. Nguatan deui peran MK, 8. Nambahan pasal masalah HAM, 9. Masalah Bab Komisi Nagara jeung 10. Nguatan ngeunaan Bab atikan jeung ekonomi.

“Tangtos usulan parobahan ieu, estuning keur nguatan nagara. Lantaran upama teu aya parobahan, dihariwangkeun ayana demokrasi nu katalanjuran. Sanajan peran DPD teu sakuat DPR, tapi upama meunang pangrojong masarakat, teu mustahil bisa dirobah,” ceuk Hj. R. Ella M. Giri Komala jinek.

Sedengkeun nurutkeun Drs. HR. Maulany, Ketua Dewan Masjid Indonesia (DMI) Jawa Barat, memang parobahan kitu, luyu jeung kahayang masarakat pangpangna di Jawa Barat. Masalah, keur berjuang kitu, kudu aya parobahan deui masalah kuota anggota DPD tiap provinsi. “Hadena mah, nu ngawakilan daerah ge ulah disaruakeun antar provinsi. Piraku, Jawa Barat nu sakitu loba padumukna, anggota DPD ngan opat urang, disaruakeun jeung provinsi nu saeutik padumukna. Tangtu parobahan ieu penting kacida,” pokna tembres. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: