• Follow us on Twitter
  • Follow us on Facebook

Pamarentah Tatahar
Ngajaga Ajen Citarum

Kénging Ayie Sundana
Kintun kana Facebook
Mangle
Gubernur Jawa Barat H. Ahmad Heryawan dibasisir walungan Citarum [Potrét/Ilustasi: ]

Ngaliwatan Kementerian Kehutanan pikeun ngaantisipasi  gangguan wilayah konservasi, kiwari pamarentah keur tatahar ngalaksanakeun ‘grand design’ desa konservasi. Hal ieu ditetelakeun ku Kepala Balai Besar Konservasi Sumber Daya Alam Jabar, Joko Prihatno dina sela-sela kagiatan rakor pemberdayaan masarakat lingkup Balai Besar KSDA Jawa Barat.
Nurutkeun Joko, luyu jeung rencana Model Desa Konservasi (MDK) bakal dijieun di genep lokasi nyaeta:  Kahiji,  di Cagar alam Gunung  Tilu kabupaten Bandung  masing-masing di Desa Sukaluyu jeung Desa Margamulya Kacamatan Pangalengan, Desa Mekarsari jeung Desa Sugihmukti, Kacamatan Pasir Jambu jeung Desa Cihawuk, Kacamatan Kertasari.
Kadua, cagar alam jeung taman wisata kamokang di desa Cihawuk, Kertasari Kabupaten Bandung. Katilu, TWA Kw Tangkuban Parahu di Desa Jayagiri, Kacamatan Lembang Kabupaten Bandung Barat. Kaopat, CA Tangkuban Parahu di Desa Sukamandi, Kecamatan Sagalaherang Kabupaten Subang.
Kalima, CA Gunung Burangrang, di sababaraha lokasi diantarana: Desa pasanggarahan jeung Desa Cihanjawar, Kacamatan Bojong Kabupaten Purwakarta sarta Desa Sakambang Kacamatan Wanayasa, Kabupaten Purwakarta.
Kagenep, Taman Buru Masigit di lokasi Desa Tanjungwangi, Kacamatan Cicalengka Kabupaten Bandung jeung Desa Sindulang, Kacamatan Cimanggung, Kabupaten Sumedang.
Tatahar dijieunna ‘grand desain’ desa konservasi ieu, wakil gubernur Jawa Barat , H. Deddy Mizwar dina salah sahiji gempungan kungsi negeskeun yen pihak pamarentah provinsi Jawa Barat  mere apresiasi kana ayana program ‘grand desain’ desa konservasi ieu.
Ku ayana program ieu, dipiharep bisa ngarojong kana program pangwangunan di Jawa Barat sacara mayeng.
Program ‘grand desain’ desa konservasi ieu geus lila dirarancang ku pamarentah sarta ngaliwatan program ieu diharepkeun bisa ngarojong kana program Citarum bersih.
Perkara nungkulan ngabebenah walungan Citarum nu boga target walungan Citarum bersih 4 taun kahareup, tacan bisa ngahontal hasil anu maksimal kusabab kitu dibutuhkeun partisipasi ti sakabeh pihak diantarana masarakat jeung kalangan dunia usaha. Pikeun nyukseskeun program ieu, Wagub Deddy Mizwar netelakeun yen kudu aya gerakan budaya sangkan masarakat bisa milu ngariksa lingkungan sabudeureunana.

Pikeun kalancaran rencana program Citarum bersih ieu Gubernur Ahmad Heryawan tatan-tatan keur ngaluarkeun “payung hukum” dina konsep Peraturan Gubernur ( Pergub).

 "Ku ayana aturan ieu, dipiharep kapayunna walungan Citarum bakal tiasa bersih tina runtah atanapi  limbah. Ayeuna téh nuju tatahar nyusun operational rule kanggo komitmen ieu," ceuk kang Aher.

Nurutkeun Ahmad  Heryawan, pemprov bakal ngondang masarakat, palaku industri, sarta sakumna  stakeholder pikeun babarengan dina ngabadamikeun komitmen ieu nu engkena sakabeh ondangan nu hadir kudu neken komitmen ieu.

 "Cai teh mangrupi sumber kahirupan anu sifatna penting. Kumargi kitu, ti ayeuna kedah aya parobahan kanggo ngajaga sumber-sumber mata cai supados tiasa mangpaat," pokna.

Pemprov bakal sagancangna ngalaksanakeun program clean Citarum (Citarum beresih) sarta diperlukeun komitmen babarengan keur sakabeh masarakat anu dumuk di sapanjang  Citarum.

"Kapayunna cai di walungan Citarum ieu kedah bersih. Sapertos,walungan nu aya di Eropa atanapi di Baghdad anu caina harerang," pokna pinuh harepan.***

Kirim Koméntar tina Facebook

Koméntar (1)

Ikhsan Santosa

Alhamdulillah....kujalaran aya program Citarum Beresih mugi sing janten modal awal kanggo urang sangkan ngamumule ieu sumber kahuripan. Nanging sim kuring bade sakedik masihan saran kanggo program ieu....dumeh ari ngadamael atanapi nyiptakeun lahan konservasi di sababaraha desa percontohan mah....tangtos bakal di rojong ku warga. Kumargi da ari hakekat urang sunda mah tangtu bakal ngarojong naon rupi program ti ais pangampih anu tujuana kanggo kamaslahatan balarea.

Anu kedah janten konsentrasi mah justru di palebah anu ngotoran ieu citarum nyaeta ti kalngan industri anu kacida teu gaduh hate jeung ras rasan pikeun miceun limbah ka walungan. Sarengna deui...anu ngajanten keun simkuring ngarasa sedih teh...eta citarum bisa gunta ganti kelir cai na teh. Poe ahad hideung, senen bulao, salasa beureum jst.

Kanggo bahan perbandingan mah...mangga sindang ka karawang...anu eta kota di kulilingan ku citarum....da meni bingung naha teu aya departemen anu atanapi pihak pamarentah anu ngurus kana lingkungan sareng kalestarian alam? Upami jawabana aya...naha enya teu katingal eta cai anu samodel kitu? Ahirna sok jol rasa suudzhan...boa anu katingalina ukur duit tina anu miceun eta limbah. Nauzubilah himindalik...lamun tos kitu kaayana.

Tah ku kituna anu kudu jadi konsen pisan ti aparat pamarentahan provinsi salain ngadamel lahan konsevasi teh, nyaeta....mastikeun gaduh wawanen ajang merangan kakuatan duit anu ngaluak -liukeun aturan sangkan beres ku alatan di tingalikeun angka...duit.

Sakali deui sim kuring ngarojong kana program ieu...kantenan sareng ngadoakeun mugi ieu program sing aya dina ridho nu kawasa..sareng dipasihan kasadaran ka sadayan kanggo nitenan yen pentingna alam kanggo kahirupan.

Pungkas ti sim kuring...Ti ngawitan Bapak Gubernur dugika rahayat paling handap...hayu urang perangan kadoliman anu ngeunaan ngancurkeun kana sagala sendi kahirupan di Jawabarat khususna...umum na di nagara urang..Aamiin...YRA...

Cag

Kirim Koméntar

Jenengan
Alamat Émail
Alamat Wéb
Koméntar
Serat Kodeu: