• Follow us on Twitter
  • Follow us on Facebook

Asrama Galuh Taruna
keur Mahasiswa Ciamis di Bandung

Kénging Rudi H
Kintun kana Facebook
Mangle
H. Endang Soetari Ad. (kenca) waktu mitembeyanan pangwangunan Asrama [Potrét/Ilustasi: ]
Alpukahna Yayasan Galuh Taruna Bandung, moal lila deui para mahasiswa nu karuliah di Bandung asal Ciamis, Banjar jeung Pangandaran, bakal boga asrama anyar. Kituna teh, lantaran kamari ieu pangwangunana geus dimitembeyanan ku pihak pamarentah Ciamis. Lokasina di wilayah Cibiru Wetan Cileunyi Bandung. 
Angen-angen ngawangun asrama memang geus lila dicita-citakeun. Lantaran, memang salila ieu para mahasiswa Ciamis nu aya dina papayung Keluarga Mahasiswa Ciamis "Galuh Taruna" Bandung, masing ngontrak keneh. Atuh kagiatan ieu organisasi oge kalan-kalan kudu pundah pindah tempat. 
 
Sabada ngadeg Yayasan Galuh Taruna nu anggotana para alumni Galuh Taruna, kakara aya tarekah nu jinek keur ngawangun asrama. Tarekah ti para alumni kitu, teu aya deui iwal keur nguatan rasa kanyaah ka para generasi mahasiswa Galuh Taruna saterusna, oge sangkan teu leungit pamiangan ka bali geusan ngajadi ka lembur Ciamis.
Drs. Enjang Muhaemin (sekred Majalah Mangle manten), nu kiwari dosen UIN SGD Bandung, miharep, sabada ngadeg asrama, tangtu mahasiswa nu asalna ti Ciamis, Banjar jeung Pangandaran, kudu leuwih sumanget dina nyiar elmu pangaweruhna sarta organisasi Galuh Taruna langkung nanjung, hususna dina pangabdianana ka masarakat Ciamis. Ais Pangampih Mangle-Online ngiring bingah. Mudah-mudahan pangwangunan asrama sing enggal tinekanan. *** 
 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: