• Follow us on Twitter
  • Follow us on Facebook

Perda Anyar keur Bandara Internasional Jawa Barat

Kénging Ayie Sundana
Kintun kana Facebook

 DPRD Provinsi Jawa Barat nyalutuan kana 8 Raperda anu diajukeun ku Gubernur Jawa Barat pikeun ditetepkeun jadi salah sahiji Perda Provinsi Jawa Barat. Éta Perda  téh dipedar dina Rapat Paripurna anu dipingpin langsung ku Ketua DPRD Provinsi Jawa Barat Irfan Suryanagara.

   Raperda anu dalapan tea, nyaeta Raperda Parobahan Perda Nomor 14 Tahun 2010 ngeunaan Kagiatan Pangwangunan Infrastruktur jeung wangunan gedong anu diwaragadan ku pembiayaan pembangunan tahun jamak, diadegkeunna BUMD widang minyak dan gas bumi lingkup kagiatan usaha hilir, Parobahan kana Perda Nomor 12 Tahun 2006 ngeunaan PT. Tirta Gemah Ripah, Parobahan Perda Nomor 21 Tahun 2010 ngeunaan Penyertaan Modal Pemprov keur PT. Tirta Gemah Ripah, Parobahan Perda Nomor 26 Tahun 2001 ngeunaan diadegkeunna PT. Jasa Sarana, Parobahan Perda Nomor 20 Tahun 2010 ngeunaan Penyertaan Modal Pemprov di PT. Jasa Sarana, diadegkeunna BUMD pengelola Bandara Internasional Jawa Barat (BIJB) jeung Kertajati Aerocity sarta Penyertaan modal ka BUMD pengelola Bandara Internasional Jawa Barat (BIJB) jeung Kertajati Aerocity.

  Raperda Ngeunaan diadegkeunna BUMD bidang minyak jeung gas bumi nu ngawengku  kagiatan usaha hilir, Pansus VI sakumaha anu di jentrekeun ku Yoga Santosa miharep ku ayana Perda ieu, sektor gas bumi bakal bisa mere kontribusi PAD ka Pemprov Jabar. Sabada BUMD ieu ngadeg, Pemprov bakal sagancangna ngurus surat pangesahan jeung panetapan ti Kementerian Hukum dan HAM.

   Patali jeung  Bandara Internasional Jawa Barat (BIJB) oge  Kertajati Aerocity, Pansus VI netelakeun,  pangwangunan jeung ngokolakeun bandar  udara  sarta pangwangunan jeung mekarkeun Kertajati Aerocity dilakukeun ku BUMD milik Pemprov Jabar anu  kapamilikan sahamna mayoritas.

   Ngeunaan ‘penyertaan’ modal ka PT. BIJB, sangkan sagancangna disiapkeun master plan jeung ‘bussines plan’ sarta Pemprov supaya bisa nganggarkeun penyertaan modal ka APBD murni. Kusabab kitu, Pemprov oge kudu sagancangna ngurus surat pengesahan jeung penetapan anu dimaksud.

Dina ngokolakeun bandara  engkena bakal dikokolakeun ku PT. BIJB jeung BUMD sejenna luyu jeung  saham anu utamana dipimilik ku Pemprov Jabar jeung BUMD sejenna anu geus diadegkeun ku Pemprov Jabar.

Dina rapat paripurna ieu, diteruskeun kana  panandatanganan kasapukan babarengan antara Pimpinan DPRD  Provinsi Jawa Barat jeung Gubernur Ahmad Heryawan.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: