• Follow us on Twitter
  • Follow us on Facebook

Jumhur Hidayat;

Leuwih Ngutamakeun TKI Profesional

Kintun kana Facebook
Mangle
Jumhur Hidayat; Hayang indit jauh kudu boga elmu pangaweruh [Potrét/Ilustasi: rudi]

Kepala BNP2TKI Moh. Jumhur Hidayat ngeceskeun, moratorium ngirimkeun tanaga kerja Indonesia ka Arab Saudi moal lila deui rek dicabut. Tapi, tangtu dicabutna moratorium teh tetep kudu aya jaminan, utamana dina jaminan cara nangtayungan nu leuwih hade keur TKI, hususna nu gawena Panata Laksana Rumah Tangga.

"Anyar-anyar ieu memang nuju dibadamikeun ngeunaan agenda perlindungan TKI," cek Jumhur sarengsena mere Kuliah Umum jeung Orasi Budaya waktu Dies Natalis ka-53 Universitas. Pasundan, Bandung, Senen (23/12).

Nurutkeun Jumhur deui, pihak pamarentah ge miharep pisan ka pamarentah Arab Saudi sangkan bener-bener ngokolakeun penempatan TKI. Upama hal bieu luyu jeung harepan, tangtu pamarentah Indonesia ge bakal muka deui lowongan TKI PLRT ka Saudi. Palebah dieu, tangtu miharep deui ka pamarentah Arab Saudi sangkan aya jaminan sistem jeung mekanisme nu leuwih daria dina nanjeurkeun kaadilan keur TKI jeung sakumna pihak.

Sedengkeun ngeunaan penempatan TKI taun 2014, ceuk Jumhur Hidayat teureuh Sunda, ngeceskeun deui, yen pamarentah salawasna ngarojong ayana penempatan TKI nu leuwih hade ajenna tur profesional, bari saeutik-eutik bakal ngurangan penempatan TKI di informal hususna sektor rumah tangga. Jumhur nyontokeun, upama  bareto pamarentah Arab Saudi memang leuwih miharep make jasa TKI rumah tangga, tapi kadieunakeun mah, pihak Arab Saudi oge leuwih paham deui, yen TKI Indonesia singhoreng bisa gawe nu leuwih profesional di widang sejenna saperti konstruksi, perminyakan, tambang, hospitality jeung sektor jasa. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: