• Follow us on Twitter
  • Follow us on Facebook

“Dongéng-Dongéng Arahéng”
Asli jeung Palsu

Kénging H. Usep Romli, HM
Kintun kana Facebook
Mangle
buku asli (kenca) jeung palsu [Potrét/Ilustasi: ]

Buku “DONGÉNG-DONGÉNG ARAHÉNG” karya Usep Romli HM., diterbitkeun ku Rahmat Cijulang, Bandung. Citakan I taun 1986. Citakan 2 taun 1988, pesenan proyek buku bacaan barudak Inpres 6 Taun 1978.  Gambar kulit jeung ilustrasi ku Nana Banna.

Taun 2008, éta buku “DONGÉNG-DONGÉNG ARAHÉNG” diterbitkeun deui ku Puri Delco, Bandung. Tapi nu ngarangna teu kabéjaan. Teu dipéntaan idin. Bororaah ka ngabagi royalti. Padahal  ieu buku meunang ngabajo téh, dijual ka proyék pengadaan buku bacaan Sunda Pemprov. Jawa Barat, kalawan disahkeun ku SK Gubernur Jabar No.481-3/Kep.964-Disdik/2009, tgl.24 Juli 2009.

Unggal buku basa Sunda nu dibeuli ku Pemrpov. Jabar harita, tina sajuduk pangarang meunang royalti rata-rata Rp 4 juta. Kaasup buku karya Usep Romli HM séjénna, nyaéta “Nyi Kalimar Bulan” jeung ”Oray Bedul Macok Mang Konod”, nu diterbitkeun deui ku “Mataair” (grup ”Kiblat Buku Utama”).    

Ceuk sawatara pangarang, dirojong ku sawatara ahli hukum, hal ieu wajib didakwakeun ka pangadilan. Sabab geus cumpon ngandung unsur “maling karya inteléktual”. Unsur “maling”  wungkul keuna ku pidana (KUHP), ari unsur “maling karya intelektual” keuna ku Undang-Undang Hak Karya Inteléktual (HAKI). ***   

Kirim Koméntar tina Facebook

Koméntar (2)

rudi

satuju tah!

Ena Rs.

Candak ka jalur hukum we, tuman nyapelekeun hasil gawe pangarang

Kirim Koméntar

Jenengan
Alamat Émail
Alamat Wéb
Koméntar
Serat Kodeu: