• Follow us on Twitter
  • Follow us on Facebook

Di Taman Kampus

Kénging Abdullah Mustappa
Kintun kana Facebook

Barang jol gé manéhna galécok

Ngadon nataan pucuk-pucuk baluntas

Nu diendag-endag angin magrib.

Rét kana kararas nu ngayakas

barabat nataran uwak-awikna bajra.

Palebah kekebul jalan nu ngadilen

Dina pangdiukan, sakeprul, sakeprul dikepuh

Lebu nu muih ditiup rusuh.

 

Méi 2012

 

Di Lapang Baskét

Di handapeun tangkal jambu,

Barangkal ngagunduk. Batu taringgul.

Dangdaunan coklat, semu pérang

Digarang poé. Gagajahan satangtung, satangtung.

Eurih reyang-reying, seukeut ka tungtungnakeun.

Di tukang, di tukang rungkun awi

Suméar ditiup angin.

 

Méi 2012

 

Sajeroning ka Fakultas

Sajeroning ka fakultas,

taneuh tincakeun masih beureum

batu cadas nyacas. Babadotan kolot,

kembangna bodas baur jeung konéng.  

Sari umyang katojo poé. Boborélakan

Keusik beusi teu kabawa sarah. Cucuk

garut. Teki jadi. Jukut ngajejembrung.

Sajeroning ka fakultas, asa mipir pasir,

muru gunung, leuweung gintung.

 

Méi 2012

 

Di Bawah Pohon Rindang (DPR)

-- Keur nu Saangkatan

Tapak mangsi rocét kénéh dina témbok

Pulas-pulas wungu, semu udat-udat, ti luhur

Ka handap. Mangsi wungu buah caringin

Ditatah kalamna lalay. Caringin, caringin

Kurung ngarangkadak. Samemena ngambéng

Mangsi wungu. Totol-totol sagedé béntol

Dina latar konéng mantéga, témbok fakultas.

Gurat tinulis dimimitian ti dinya, najan enya

Kudu ngéjah heula rupaning kembang caringin.

 

Méi 2012

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: