• Follow us on Twitter
  • Follow us on Facebook

Layung Beureum

Kénging Eni Ratna Inten
Kintun kana Facebook

Hibarna taman haté

Nguniang ka pakaulan Sunda

Ti kampung nyuai asih sabada rasa

Candi mugen sanés buktos

Tumaritis jajatén urang Pandawa

Samar polah na bangbaluh hirup

Syukur diri saukur harepan

Matak hurip sagara basa

 

Tanggal tanggel tunggal

Rupaning katumbiri anu matak waas

Nyeungitan buana hudaya mukti

Jeneng jomantara di tatar Sunda

Layung beureum ukur sarupaning katumbiri

Janari leutik wanci haneut moyan

Nyaangan haté anu keur baluweng

 

Asa bakat ku tara kasaba

Jeneb sajeroning ati, tatag puseur basa

Cumarita dina harung puseur basa

Naratas sagemblengna ajén rasa jeung basa

Pameuli kasugema anu janten hiwaya

Makuta ku pangabisa

Sunda miang

Lalajo layung beureum

Buktos ayana rupa jeung rasa

 

Jakarta, 20 November 2010

 

Duriat

 

Sampuran rasa anu nguniang

Jaksaning kasumpon dina unggal babasan

Tineung sakali duriat manjang

Sukaning ati makta sagara rasa

Sindang ati pameunteu salira

Kawanoh ambung anu mancung

Méncrangna pameunteu anu kasorot

Caang bulan tanggal opat welas

 

Sakasampeur ukur duriat

Mentangkeun tali rasa ti kaanggangan

Sumeblak haté mun taya karémpan

Duriat mah sambungkeun ka papag basa

Mawa hanca puseur ceuk kahayang

Saketi tina asihna rasa

Medar rasa, basa, jeung caritaan

Sapanjang panon anu ningali

Sajauh rasa anu ngahirupkeun

Sajalan carita anu kasorang

Tineung, wanoh, duriat maneuh

Néang kasmaran tresnaning ati

 

Jakarta, 20 November 2010

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: