• Follow us on Twitter
  • Follow us on Facebook

Miéling Sangkan Aréling

Kénging Rumpaka
Kintun kana Facebook

Dina bulan Mulud atawa Robi’ul Awal, aya nu disebut muludan. Disebut muludan, lantaran kalolobaan umat Islam di urang, sok ngayakeun kagiatan kaagamaan, miéling dibabarkeunana Kangjeng Nabi Muhammad SAW 12 Robi’ul Awal.

Tiap jalma nu miéling kana kajadian hiji perkara, tangtu lantaran boga tujuan. Saperti ngayakeun acara tepung taun, titimangsa pernikahan jeung sajabana. Tujuanana, sangkan salamet, ngalap hikmah kahadéan (ahlakul karimah) tur syukuran ka Gusti.

 

Mitra Manglé,

Tah, miéling lahirna (muludan) Kangjeng Nabi Muhammad SAW. ogé, di antara nu diharepkeun téh sahenteuna aya tilu udagan. Kasalametan, nambih kahadéan sareng syukuran. Qul inkuntum tuhibbunallah, fattabi'uni yuhbibkumulloh, wayag firlakum dunubakum, wallahu gofuururrohiim. “Prak ucapkeun, saha jalma nu mikacinta ka Alloh, mangka lakonan naon-naon nu disyari'atkeun ku Kami, mangka Alloh ogé bakal ngahampura maranéh, Alloh téh Maha Jembar Pangampura tur Maha Welas Asih. Ku kituna, saha jalma nu hoyong salamet, tambih kahadéan sareng syukuran, nya koncina kedah toat kana syaréat nu dicandak ku Kangjeng Rosul, nyatana Alqur’an sareng hadits.

Margi kitu, dina miéling dibabarkeunana Kangjeng Rosul (muludan), lain karaméan nu jadi udagan, tapi mépélingan jalma nu jadi patokan. Lantaran, dina miéling hiji acara, sahenteuna aya tilu golongan. Jalma resep miéling tapi teu éling, jalma embung miéling jeung teu hayang éling, jalma nu miéling lantaran hayang éling. Tah, mitra Manglé mah, mudah-mudahan kagolongkeun jalmi nu miéling lantaran hayang éling. Amin. ***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: