• Follow us on Twitter
  • Follow us on Facebook

Ngajaga Lembur

Kénging Rumpaka
Kintun kana Facebook

Jlug-jlegna wawangunan, but-batna jalan, bisa medalkeun harepan, mangsa ka hareup  leuwih hadé batan saméméhna. Lantaran, sarana kawas kitu, bisa jadi pangjurung rupa-rupa kagiatan geusan jadi cukang lantaran masarakat ngahontal karaharjaan.

Pangwangunan tandaning ketak ngaléngkah.Mangpaatna bakal karasa ku balaréa. Ngan, lain tanpa pasualan, lantaran geder jeung gedurna pangwangunan pisik gé, tara tuna tina mamala. Saperti lumangsungna pangwangunan di daérah, bisa medal patalékan, naha éta téh pangwangunan di daérah atawa ngawangun daérah? Patalékan kitu, bisa loba rambat kamaléna, lantaran, tujuanana  bakal gumantung kana buktina.

Upama ukur ngawangun di daérah, mangpaatna  mah, mémang,  bisa keur saha waé. Lian ti mangpaat keur nu ngawangunna bisa ogé karasa ku nu dumuk di sabudeureun éta tempat. Ngan, patalékan saterusna, naha énya pribumi oge  bisa ngararasakeun mangpaatna?

Galibna pangwangunan, saperti ngawangun padumuan, kantor, jeung sajabana butuh lahan. Nya, ilaharna deuih robah pungsi lahan, oge bisa robah nu ngamangpaakeunana. Nu asalna, tempat tatanén, misalna, apan sanggeusna jadi wawangunan mah, éta hasil tatanén gé bakal leungit, diganti ku mangpaat séjén. Tah, parobahan kawas kitu  ogé, bisa robah nu ngararsakeun mangpaatna.

Mitra, dina mangsa nyantekna pilihan umum, loba caleg nu nawarkeun ‘jasana’ geusan ngawangun lembur. Ngan tangtu, ahirna mah, kumaha rahayat nu rék milihna. Hartina, deuih, ajén-inajén pamingpin nu kapilih gé gumantung kana pilihan rahayat téa. Atuh, mun milihna teu jeung wiwaha,  hasina gé bisa waé, teu saperti nu dipiharep. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: