• Follow us on Twitter
  • Follow us on Facebook

Paingan

Kénging Rumpaka
Kintun kana Facebook

Nu nanya: “Sigana raos nya janten dokter mah?”

Dokter: “Maksadna?”

Nu nanya: “Muhun sering paantel sareng pasén gareulis.”

Dokter: “Sim kuring tos prakték aya kana 7 taunna, asana téh teu kantos antel sareng pasén geulis ari sanés sareng pun bojo mah.”

Nu nanya: “Maenya? Naha tiasa kitu?”

Dokter: “Pan sim kuring mah dokter... héwan.”

 

Izzul

Komplek Vijaya Kusuma

Cipadung - Bandung

 

Lieur

Nini: “Sujang, keur naon mawa bola nu Si Nini. Rék ulin langlayangan?”

Incu: “Ih bukan Ké. Kan Ujang mau main bola di lapang sama temen Ujang.”

 

Izzul

Komplek Vijaya Kusuma

Cipadung - Bandung

 

Komo

Badu: “Rék dahar euy?”

Sobatna: “Puguh wé. Jeung naon?”

Badu: “Jeung guramé bawa bibi ti Ciamis.”

Sobatna: “Dipais atawa digoréng?”

Badu: “Digoreng.”

Sobatna: “Aduh kabeneran. Digoreng mah atuh kabeuki ti bubudak.”

Badu: “Ari dipais teu beuki kitu?”

Sobatna: “Puguh beuki pisan dipais mah. Malah leuwih beuki batan digoréng.”

 

Izzul

Komplek Vijaya Kusuma

Cipadung - Bandung

 

Leungit Jimat

Semah: “Sim kuring ka dieu teh nyuhunkeun tulung. Batu ali kameumeut sim kuring anu ti Kalimantan ical, Bah! Manawi ku Abah tiasa diihtiaran sugan tiasa kapendak deui.”

Pribumi: “Hampura moal bisa. Sabab ayeuna Abah gé kaleungitan batu ali anu sok dipaké jimat pikeun néeangan barang-barang nu leungit siga ali anu Ujang.”

 

Anissa Fitri Wulansari

Gang Kujang - Bandung

 

Dipaké Ngaput

Incu: “Abah ari ayeuna jam sabaraha?”

Abah: “Teu apal Nyai, békerna paéh.”

Incu: “Pan béker enggal, maenya tos paéh deui?”

Abah: “Éta meureun pédah jarumna dilaan ku Si Nini dipaké kakaput.”

 

Anissa Fitri Wulansari

Gang Kujang - Bandung

Kirim Koméntar tina Facebook

Koméntar (9)

Dedi R.E

Landong kasono waktos nuju alit maos mangle teh...ayeuna mendak mangle online .... bagja

eden w

barakatakkkkk

yudi

Tepang deui sareng nyi Mangle, sakitu lamina.nuhun ah aya ol na.

sobari

اسَّلاَمُعَلَيْكُمْ ka pala wargi anu sami mikareueus nyi Mangle,

wahyu

nuhun ah hiburanana (nembean ninggali mangle nu online)

baban tea

Nu rada aheng dai caritana.......................

Noegraha Rian

Lumayan, tiasa seuri haha

Dana

Hahaha, eta kataji ku dongeng dokter hewan, mimitina mah heran, naha bet teu pernah nyentuh nu geulis? Eh ternyata dokter hewan, sae lah!!!!!

Asep Asgar ti RIAU

Wilujeng tepang deui tos lami teu tepang sareng Mangle, ti taun 90-an

Kirim Koméntar

Jenengan
Alamat Émail
Alamat Wéb
Koméntar
Serat Kodeu: