• Follow us on Twitter
  • Follow us on Facebook

Kareueus OJK
Keur Para Konsumen Tatar Sunda

Kénging Rudi H
Kintun kana Facebook
Mangle
Sosialisasi edukasi OJK di Bandung [Potrét/Ilustasi: Farhan]

Mahabuna lembaga kauangan di Indonesia hususna di Jawa Barat ulah matak mangmang, ulah matak hariwang para konsumen lembaga kauangan. Kituna teh lantaran, sanggeus operasional OJK diresmikeun mimiti 1 Januari 2014, memang geus loba pangaduan, kaasup ti wiayah Jawa Barat. “Pangaduan-pangaduan tangtu saterusna bakal diteruskeun kana penindakan, kaasup ngeureunkeun lembaga nu teu merenah,” cek Direktur Fungsional Program Literasi Keuangan OJK (Otoritas Jasa Keuangan)Agus Sugiarto,waktu sosialisasi OJK di Hotel Hyaat Bandung, waktu-waktu ka tukang.

Lian ti pungsina ngawas lembaga kauangan, OJK oge muka pangaduan langsung ti masarakat. Ku kituna, ka para nasabah Bank, asuransi, dana pensiun, jeung sajabana, kaasup lembaga non bank, upama aya palayanan nu teu merenah ti lembaga kauangan, bisa langsung ngadu ka OJK. Kumaha di Jawa Barat? Nurutkeun Deputi Direktorat Literasi dan Edukasi OJK Ria Prastiani, OJK geus narima laporan masarakat kaasup ti Jawa Barat ngawengku tilu unsur. Pangaduan, menta informasi jeung mere informasi. “Mangga, ka konsumen lembaga kauangan ti Jawa Barat, upami aya naon-naon, tiasa langsung kontak ka nomor hotline 500 655,” pokna tembres.

Nurutkeun Undang-undang No.21 Tahun 2011, pamarentah geus nunjuk Otoritas Jasa Keuangan (OJK)  keur nyokot wewenang pangawasan nu samemehna dicangking Bank Indonesia (BI). Ku kituna, ka masarakat Jawa Barat hususna, kiwari bisa ngagunakeun OJK upama aya naon-naon. “Nu dipiharep, masarakat bisa tenang, masarakat bisa lancar usahana, ulah kaganggu ku palayanan nu teu merenah,” cek Agus Sugiarto tandes. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: