• Follow us on Twitter
  • Follow us on Facebook

BNP2TKI Gawebareng OJK
TKI Jawa Barat Leuwih Raharja

Kénging Rumpaka M-Online
Kintun kana Facebook

Lunta jauh ka nagri deungeun memang geus teu aneh. Aya nu tolab elmu aya oge nu gawe. Aranjeunna mawa nasib sorangan-sorangan. Kumaha ari nasib TKI? Nu sidik, saha wae oge, geusan tinemu karaharjaan. Kitu cek Juhmur Hidayat, Kepala BNP2TKI waktu gawebareng jeung OJK (Otoritas Jasa Keuangan) ngeunaan "Peningkatan Literasi Keuangan dan Perlindungan Konsumen Di Sektor Jasa Keuangan Bagi CTKI/TKI/TKI Purna dan Keluarganya Dalam Rangka Peningkatan Pemberdayaan TKI"

Ayana gawebareng, keur BNP2TKI, cek Jumhur Hidayat kacida mangpaatna. Lantaran ku ayana edukasi ti OJK, para TKI ge bisa leuwih apal, kumaha cara ngokolakeun bekel hasil gawe cape di luar nagri.  Contona wae, gaji TKI di Korea per bulanna rata-rata Rp 13 juta, ditambah lembur bisa nepi ka Rp 15 juta. Upama aranjeunna bisa nyimpen Rp 10 juta per bulan wae, mangka dina dangka lima tahun, geus mawa bekel kurang leuwih Rp 600 juta. “Penting pisan edukasi ti OJK. Lantaran loba TKI Korea nu bingung kumaha cara ngokolakeun artos sangkan bisa raharja upama engke aruih deui ka lemah cai,” cek Jumhur Hidayat teureuh Sunda teh.

Ku kituna, gawebareng jeung OJK kacida pentingna. Lantaran upama para TKI geus meunang edukasi literasi kauangan, kacipta pergerakan ekonomi bangsa bakal leuwih hade. Kitu deui kulawargana oge bakal leuwih raharja, lantaran henteu kitu-kitu wae ngagunakeun duit nu ditarima ku kulawarga di lemburna.

Keur BNP2TKI, para TKI raharja teh kudu bisa jadi conto. Ku kituna ka calon TKI oge kudu apal cara ngokolakeun kauangan. Palebah dieu, cek Jumhur kacida hadena OJK oge bisa mere edukasi ka calon-calon TKI. Palebah dieu, cek ieu inohong Sunda, calon TKI/TKI/TKI purna jeung kulawargana kudu apal kana dunya perbankan oge kumaha carana ngokolakeun kauangan nu leuwih bener, mangpaat tur keur karaharjaan nu dangka panjang.***

 

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: