• Follow us on Twitter
  • Follow us on Facebook

Jumhur Hidayat Paturay Tineung;

Tetep Nalingakeun Nasib TKI

Kénging Rudi H
Kintun kana Facebook
Mangle
Jumhur Hidayat (kenca) paturay tineung [Potrét/Ilustasi: ]

Rebo, 19 Maret 2014, jajaran BNP2TKI  pipisahan jeung Jumhur Hidayat. Kituna teh dumasar kana Surat Keputusan Presiden Susilo Bambang Yudhoyono Nomor 39/M/Taun 2014 tanggal 11 Maret 2014, Jumhur Hidayat, sacara resmi henteu deui nyangking Kepala BNP2TKI, tapi diganti ku Gatot Abdullah Mansyur, Duta Besar keur Saudi Arabia manten.

Jumhur Hidayat teureuh Sunda salila mancen, memang loba parobahan geusan merjuangkeun nasib TKI. Ieu inohong Sunda nu gede jasana keur merjuangkeun nasib TKI,  sanajan henteu mancen kepala BNP2TKI deui, tapi tetep bakal nalingakeun TKI. “Insya Alloh bakal tetep komitmen merjuangkeun karaharjaan nasib tenaga kerja Indonesia (TKI)," pokna teh.

Salila mancen kepala BNP2TKI, pamikiran-pamikiran Jumhur natrat ninggalkeun tapak. Ku kituna Pa Jumhur ge teu petot-petot nganuhunkeun ka rengrengan pagawe BNP2TKI, BP3TKI, LP3TKI, P4TKI jeung patugas palayanan TKI di pos wates antarnegara, Sekretaris Utama BNP2TKI, oge Office Boy (OB) di lingkungan BNP2TKI sarta TKI di sakuliah dunya. “Hatur nuhun, ka sadayana nu parantos ngabantos program pamarentah dina ngurangan pangangguran jeung nyegah bangbaluh pasualan katanagakerjaan, cek Jumhur nineung.

Tangtu keur pikahareupeun, Jumhur Hidayat oge percaya, yen gagantina, Gatot Abdullah Mansyur, lain sasaha. Lantaran inyana loba babarengan gawe nalingakeun nasib TKI. Aya nu dipiharep ti ieu urang Bandung teh, yen kahareupna BNP2TKI kudu nguatan palayanan TKI sacara online nu kiwari geus nyambung ka 438 kabupaten/kota di sakuliah Nusantara. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: