• Follow us on Twitter
  • Follow us on Facebook

Mémérés di Girangna

Kintun kana Facebook

Lir cai nu ngocor di walungan, kumaha ti girangna. Mun ti tonggohna hérang ka hilir gé moal boa. Ngan, mun ti sunggapanana kiruh, tong miharep ka hilir bakal hérang. Kitu deui pamaréntahan, nu pangpentingna mah huluwotanna.

Ganti pamaréntahan lima taunan, sakuduna mah medalkeun harepan. Hadé-goréngna garapan gawe pamarentahan natrat karasa ku balaréa. Satutas nitenan jeung ngararasakeun salila lima taun katompernakeun bakal écés lebah mana héngkérna, lebah mana punjulna.

Sanggeus kitu, kari nangtukeun tangtungan.  Apan, ajén pamarentahan lima taun ka hareup, ditangtukeun dina pilihan umum jeung pilihan présidén 2014.  Hartina, nu meunang kapercayaan ti masarakat boh législatif boh éksékutif,  bakal mangaruhan kana kahirupan masarakat lima taun ka hareup.

Dina sistim pilihan umum kawas kiwari, huluwotanana ajén pamaréntahan téh  gumantung  ka partey pulitik. Sabab, nu diasongkeun jadi caleg jeung caprés/cawaprés kumaha partéy pulitik.

Dina nyanghareupan piliheun nu ditawarkeun ku pihak partey, sabenerna rahayat boga kakuatan. Copelna boga ‘daya tawar’  nu mun dipaké kalayan hadé, bakal mangpaat keur balaréa. Da, hasil pilihan téh gumantung ka nu marilihna.

Miharep hasil pilihan umum, mémang  gumantung ka sababaraha pihak. Di antarana, deuih   tanggung  jawab ‘bobotoh’  atawa tim suksés téa. Da, arinyana  nu biasa ‘mulas’ calon sangkan kalandep ku balaréa gé. Nya, tangtu wé, ketak kitu gé ilahar naker, lantaran nu ngaranna ‘tim suksés’ mah balad-balad  pihak calon. Ngan, upama mikirna demi kapentingan warga sakumna, tangtu, ketak tim sukses gé lain ukur keur kauntungan pribadi. Hartina, najan jadi bobotoh,  sawadina ngutamakeun  kapentingan masarakat sakumna.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: