• Follow us on Twitter
  • Follow us on Facebook

Milih Urang Sunda

Kénging Dede Syafrudin
Kintun kana Facebook

“Keur meujeuhna ramé nyah, Lo.”

“Ramé nu kampanyeu, Mang?”

“Enya.”

“Sacarana-sacarana, Mang.”

“Ih, bet kawas nyieun kuéh?”

“Maksud téh réa cara nu dijalankeun ku para caleg jeung partéyna pikeun narik simpati masarakat, Mang.”

“Oh.”

“Aya nu kampanyeu maké SPG gareulis kawas rék dagang barang, aya nu nanggap artis dangdut, nu ngajalankeun bakti sosial, kukurusukan ka lembur-lembur, ngabagi-bagi sembako, jeung sajabana.”

“Dararagang nyah, Lo.”

“Ih, lain dagang, kampanyeu Mang.”

“Maksud téh dagang program.”

“Enya.”

“Matak bingung milihna puguh, Lo. Méh kabéh aralus programna. Amis. Matak uruy.”

“Kapan aya patokanana pikeun urang mah, Mang.”

“Naon nu jadi patokanana, Lo?”

“Ku lantaran urang mah hirup di Tatar Sunda jeung kasundaaan, tangtu  baé kudu milih urang Sunda.”

“Henteu cukup ku urang Sunda wungkul, Lo.”

“Har?”

“Tapi kudu milih urang Sunda anu bener-bener nyaah ka Sunda. Unggal usik mikiran Sunda, mikiran urang Sunda.”

“Yaktos.”

“Ulah milih anu jadi urang Sunda-na ukur lima taun sakali, Lo.”

“Maksudna?”

“Ngaku urang Sunda téh ukur dina waktuna kampeu, ukur butuh ku suara wungkul. Ari keur jeneng, atawa témpo geus jeneng manéhna poho yén dirina urang Sunda nu ngawakilan Sunda. Pangpangna anu jareneng di pusat, Lo.”

“Bener, Mang. Cenah ceuk béja, réa anggota déwan ti urang nu jeneng di pusat, boro-boro mikiran Tatar Sunda dianjangan ku urang Sunda gé sok haré-haré.”

“Ulah dipilih jalma nu kitu mah.”

“Enya. Lian ti kitu, urang gé butuh wakil di pusat anu bener-bener ludeung jeung vokal merjuangkeun kapentingan Ki Sunda. Ulah nepi ka di DPR RI téh ukur minuhan korsi wungkul bari taya guamna.”

“Tah, geuning pinter Alo téh.”

***

Kirim Koméntar tina Facebook

Koméntar (2)

Jatma Soehadma

Nya saha atuh pijalmaeunna, Gan? Dunya pulitik mah eusina maksiat wungkul. Silih gorengkeun, silih tengkas, jeung silih jreknong. Asa pamohalan kalaksana. Cek Ki Silah mah "Mimpi kaleee..!♪".

iif syarifah

satuju pisan bangkitna urang sunda bade kusaha deui ari sanes ku papada urang sunda ...

Kirim Koméntar

Jenengan
Alamat Émail
Alamat Wéb
Koméntar
Serat Kodeu: