• Follow us on Twitter
  • Follow us on Facebook

Arisdi Khairuzan Natawijaya

Kénging Chye Retty Isnendes Raksapradja
Kintun kana Facebook

Lain dina batu ambu ngagurat gurit tapi dina jurit

kalang kahirupan. Sugan jeung sugan tajeur panceg

najan angin lilimbungan melenoykeun karep tuluy

ka kalér ka kidul ngaracleng wadul

 

Lain dina cai ambu ngalukis pulas sab dami demi

dami teu wasa nyingkahan pati. Manawi ajeg ajam

najan lambak ngabula-bali mangpengkeun angen

bari ka wétan ka kulon ngaburakeun bohong

 

Lain

 

Mihapé harepan gumilang dina jungjung lalaki langit

dina imut harayhay dina raray nu marahmay dina

sora nu ligar dina tetelar jiwa rasul nu matak kelar

 

Mihapé salam gumiwang dina lungguh sinatria dina

jangji pinuji dina léngkah ngajadi dina ketak pinasti

dina tigin pasini dina lumampah saleh nabi

 

Paralun dina batu palias dina cai

tapi di inya: nu seungit surgawi!

 

Cigugurgirang, 17 Nopember 2009

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: