• Follow us on Twitter
  • Follow us on Facebook

Baris Kahiji

Kénging Cucu Nurzaman
Kintun kana Facebook

Dina baris kahiji kuring ngahaja

Ngagurit kasalempang keur waktu

Nu katukang bari mapatkeun

Harepan anyar keur baring supagi

Sabab jajantung geus ngagedurkeun

Sumanget jadi panganggit basa

Dina baris kahiji kecap-kecap

Nu lawas baris dikedalkeun

Sangkan dunya nyaho kana

Hiji carita nu aya dikieuna

Da saketet mangsa di tengahing

Pagaliwotana hirup kumbuh

 

29 November 2005

 

Kuluwung Diri

 

Aya nu ngalun dina

Kekebul haseup roko nu

Ku kuring diseuseup

Pangalaman nu sarwa rohaka

Dina mangsa opat taun

Ngalalana di lembur batur

Jadi jelema gering nu

Teu pisan dipiharep

Skizoprenia ngagalaksak

Ka sakabéh tungkebing awak

Bari ébréh yén cocoba

Bisa jadi bebendon

Ti nu kawasa

 

29 Novémber 2005

 

Pangéstu

 

lain anjeun nu jadi aweuhan

dina goha lalampahan kuring salila ieu

tapi nasib nu kacida beuratna

pikeun diabar-abar ka balaréa

samistina kuring jempé

bari ninun jampé-jampé

pangampura.

Sangkan kuring

bisa jadi pangéstu

salawasna

 

29 Novémber 2005

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: