• Follow us on Twitter
  • Follow us on Facebook

Sajak Inda Nugraha

Itungan Saméméh Balitungan

Kintun kana Facebook

Itungan
duh, itungan
teuing geus tepi ka mana
teuing kari sakumaha.
Demi rénghap tuluy ngerepan
sedeng réngkak mingkin ngendoran.
Tungtung waktu
ngalangkang na tungtung teuteupan
pamohalan kaudag, sok komo dieureunkeun.

Sajarah
duh, sajarah
hamo bisa dirobah
nu beureum nu hideung
natrat dina catetan nu mo laas
najan ku ngeueum dina sasagara cipanon
dalah lunta gé catetanna angger natrat

Udagan
duh, udagan
mingkin jauh tina tatapakan
duka iraha boa kahontalna
sedeng ieu jirim
langlang-lingling leungiteun jisim
teu puguh tangtung teu puguh lantung
teu pageuh nyepeng tetekon

Sukur geuning aya kénéh umur
jang ngawincik kamalir wanci nu ngari
jang ngaropéa lambaran mangsa nu nyésa
ngalakonan lalakon nu duka léokna ka mana

2014

Kirim Koméntar tina Facebook

Koméntar (1)

Rusdi Praja

Kagagas ning...

Kirim Koméntar

Jenengan
Alamat Émail
Alamat Wéb
Koméntar
Serat Kodeu: