• Follow us on Twitter
  • Follow us on Facebook

Tatahar Deui

Kénging Dede Syafrudin
Kintun kana Facebook

“Geus bérés nyah, Lo?”

“Pemilu Législatip, Mang?”

“Enya.”

“Oh, ari kitu?”

“Nu meunangna geus aya. Nu déprési aya, malah nu ngamuk ogé cenah réa.”

“Kari istirahatna, Mang.”

“Ih, ulah waka istirahat, Lo.”

“Har?”

“Kudu geuwat tatahar deui?”

“Kutan?”

“Kapan nyanghareupan tahap kadua.”

“Milih presidén, Mang?”

“Enya.”

“Muga-muga ulah kacow teuing kawas pemilu législatip kamari.”

“Kacow kumaha, Lo?”

“Enya kapan kamari gé réa nu diulang alatan réa surat suara anu patukeur. Balukarna jadi capé dua kali.”

“Moal atuh, Lo. Piraku teuing surat suara keur pilihan presidén urang pahili jeung pilihan presidén ti nagara batur.”

“Heuheuy.”

“Paling gé kahariwang téh masalah dana, Lo.”

“Hariwang kumaha, Mang?”

“Hariwang elat deui kawas kamari. Kapan dana keur TPS di kampung urang mah diserentakkeun ka deukeut pisan derna waktu pamilu. Jadi wé panitia KPPS téh pakepuk.”

“Heuheuy deui, Mang.”

“Susuganan deuih aya urang Sunda nu makalangan jadi calon pamingpin. Jadi calon wakil présidén, Lo.”

“Amin.”

“Jadi urang kudu tatahar.”

“Tatahar naon deui, Mang?”

“Mun aya urang Sunda nu maju, urang kudu tatahar ngadukung tur milu nyukséskeun manéhna.”

“Satuju, Mang.”

“Sarta tatahar nagih, Lo.”

“Nagih jangji para caleg nu kabiruyungan kapilih jadi anggota déwan, Mang?”

“Tuh geuning Alo gé surti.”

“Urang saksian wé, Mang. Naha jangji maranéhna téh bener atawa ukur akal-akalan wungkul sangkan kapilih.”

“Papadaning kitu.”

“Kumaha, Mang?”

“Urang, minangka manusa nu beradab, teu meunang goréng sangka.”

“Yaktos.”

***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: