• Follow us on Twitter
  • Follow us on Facebook

Pasualan Kareueus

Kénging Dede Syafrudin
Kintun kana Facebook

“Masih kénéh jadi kareueus, Lo.”

“Naon téa, Mang?”

“Badminton, Lo.”

“Oh.”

“Sok sanajan geus rada lila teu pati réa gelar nu dicangking ku para atlit badminton urang, Lo.”

“Bener, Mang. Atuh da baturna ogé beuki maju deuih.”

“Beuki maju kumaha, Lo?”

“Jepang jeung Singapura misalna, Mang.”

“Kumaha tah?”

“Ayeuna mah geus bisa ngéléhkeun atlit badminton urang kapan.”

“Bener, Lo.”

“Komo Cina mah, Mang.”

“Beuki hésé diéléhkeun nyah, Lo?”

“Enya. Sok sanajan aya ogé pamaén badminton urang anu bisa ngéléhkeun pamaén Cina, Mang.”

“Hartina, badminton téh masih kénéh bisa jadi kareueus urang, Lo.”

“Satuju, Mang.”

“Bakal rleuwih reueus deui, Lo.”

“Bakal leuwih reueus deui kumaha, Mang?”

“Lamun urang bisa mulangkeun kajayaan dina widang badminton.”

“Muga-muga baé, Mang.”

“Enya, muga-muga baé. Mana komo kapan sakeudeung deui ogé bakal der piala Thomas jeung Uber, Lo.”

“Muga-muga piala Thomas téh bisa mulang ka urang nyah, Mang.”

“Jeung piala Uber deuih, Lo.”

“Asa pesimis piala Uber mah, Mang. Kapan pamaénna ogé miskin pisan préstasi. Teu cara keur jaman Susi Susanti.”

“Sugan wé, Lo. Ku perjuangan anu pantang menyerah mah urang bisa ngarebut deui piala Uber, sok sanajan urang lévelna sahandapeun batur.”

“Amin.”

“Lamun urang bisa ngarebut piala Thomas jeung Uber, tangtu bisa mulangkeun kareueus bangsa urang.”

“Bener, Mang. Peupeuriheun dina widang olah raga lianna mah urang téh teu boga prétasi internasional.”

“Urang pada-pada ngadu’a wé, Lo.”

“Amin.”

“Mana komo kapan dina piala Thomas mah urang téh cenah mah jadi unggulan kahiji.”

“Ngaleuwihan cina nyah, Mang?”

“Enya.”

“Ku kituna ogé geus jadi kareueus, Mang.”

***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: