• Follow us on Twitter
  • Follow us on Facebook

Ngantengkeun Katineung

Kénging Ensa Wiarna
Kintun kana Facebook

Mun inget kana mangsa kompanye, loba pisan nu silaturahmi ka rahayat téh.  Harita, calon pamingpin jeung konstituénna, bisa pataréma rasa silihjugjugan pakarepan. Ayeuna, waktuna neruskeun patekadan hadé nu kungsi diumbar dina kompanye.

Harita, rupa-rupa jangji caleg ‘balawiri’.  Keur nyumponan jangjina, di antarna aya ‘rumah aspirasi’, nu cenah, bakal dijadikeun tempat patepungan wawakil jeung rahayatna. Pakarepan kitu, kari ngabandungan dina lalampahan saterusna.

Patékadan nyambungkeun tatali rasa antara wawakil jeung rahayatna ku cara ngariung dina imah aspirasi, bakal kacida hadéna. Kacipta, di dinya bakal aya kagiatan maneuh riungan silihjugjugan pakarepan. Meureun, wawakil rahayat téh bisa meré béja ka konstituénna naon waé nu geus dilakananakeun jeung hanca garapanana. Atuh, kitu deui anggota masarakat gé bisa nepikeun angen-angena  ka wawakilna.

Mun wawakil rahayat bisa ngawadahan harepn masing-masing konstituen di dapilna, tangtu wé, bisa mahing hal-hal nu teu dipiharep. Da, teu perelu nepikeun kahayang ku cara abring-abringan demo, lantaran kahayangna geus katepikeun ka wakilna.

Mun nu kapilih nohonan jangjina, copélna, bisa angger tepung lawung jeung konstituenna, mangpaatana gé bisa karasa ku dua pihakanana. Nu milih, bener-bener ngarasa kawakilan ku wawakilna. Atuh, keur dangka panjang, dina pilihan umum mangsa ka hareup, mun éta wawakil milu deui tarung,   ku konstituén ge moal disaha-saha. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: