• Follow us on Twitter
  • Follow us on Facebook

Sumanget Milih Pamingpin Sunda

Kénging Ensa Wiarna
Kintun kana Facebook

Dina mangsa nyanghareupan pilihan legislative sawatara waktu ka tukanhg, loba pihak nu mikahayang tumuwuhna sumanget milih pamingpin Sunda. Ceuk éta  pihak, merenah pisan upama urang Sunda di lemburna milih pamingpin nu bibit-buitna ti tatar Sunda. Nya tina hasil  pileg téa, ajakan milih pamingpin ti Sunda bisa ‘diuji’ naha éta ajakan téh peurahan atawa taya pangaruhna.

Sabenerna,  babagian daérah pilihan (dapil) téh, muka lolongkrang munculna wawakil rahayat nu panghadéna di  éta daerah. Tapi, harepan kitu téh, bis waé teu luyu jeung kanyataan,  lantaran nempatkeun caleg mah dumasar kana  tinimbangan partey pulitik. Hartina, piliheun  di dapil téh, bisa waé lain nu asalna ti éta daérah.

Sumanget milih pamingpin nu digedurkeun ku sawatara pihak, payus mun lana, lain ukur saayeunaeun. Ngan, tangtuna gé, kudu dikeureuyeuh sarta mayeng ditepikeun ka sakumna urang Sunda. Cindekna, ulah ngan dina pileg wungkul.

Kakuatan rahayat  milih pamingpin, mémang  teu bisa dilalaworakeun. Urang Sunda nu jumlah padumukna kadua panglobana di Nusantara, mistina, boga kakuatan nu dibalitungkeun pihak mana waé. Atuh, saha waé, nu boga sora panglobana, boga lolongkrang unggul atawa ngarojong kana kapunjulan pihak mana waé. Ngan,  urang Sunda kudu boga kasadaran nu sarua dina milih pamingpinna. Cindekna, samiuk boga karep milih pamingpin Sunda kalayan ngahijikeun kakuatan.

Nilik kana itung-itungan, mémang, Sunda téh loba. Lian ti nu dumuk di Jawa Barat, apan di Banten jeung di sabagian Jawa Tengah deuih. Saperti di Kabupaten Brebes (Jawa Tengah), urang Sunda teh sumebar di dalapan kacamatan. Nilik kana jumlahna, mun éta kakuatan ngahiji, nyorakeun kahayangna dina wangun nu ‘sasora’, bakal jadi kakuatan anu rohaka. ***

Kirim Koméntar tina Facebook

Koméntar (1)

yogi taufik saleh datakatsu

wow sae kanggo abdi mah warta ieu teh .. mangle mah top pisan

Kirim Koméntar

Jenengan
Alamat Émail
Alamat Wéb
Koméntar
Serat Kodeu: