• Follow us on Twitter
  • Follow us on Facebook

Pekan Informasi Nasional 2014;

Atikan Politik,
Kudu Mangpaat
keur Masarakat

Kénging Rudi H
Kintun kana Facebook
Mangle
kagiatan pesta rayat di acara PIN 2014 di Padang [Potrét/Ilustasi: rudi]

Heabna pilihan umum 2014 can laas. Sabada pilihan wakil di legislatif, boh partey boh relawan masing-masing saribuk nataharkeun tarekah sangkan calon-calonna keur ajangkeuneun dina Pilpres jadi pilihan rayat. Ngan kumaha lamun nu milih salah pilih?

Upama loba anggapan, yen Jawa Barat ngan saukur diarah sorana wungkul, singhoreng  henteu saukur di Jawa Barat wae, tapi di unggal daerah oge kitu. Lantaran kitu, nu jadi cukang lantaranana mah, sual atikan politik nu tacan maksimal keur kapentingan masarakat.

Ku kituna, sual ajen demokrasi nu nyugemakeun, memang perlu sosialisasi nu daria ka masarakat. Komo deui, di tingkat pamilih, henteu bisa digitik rata. Aya pemilih kakara, aya oge pamilih nu biasa. Hususna, keur pamilih kakara, penting kacida ayana sosialisasi nu terus terusan, sangkan ajen demokrasi leuwih tembong. “Di antarana, kagiatan Pekan Informasi Nasional taun 2014 nu diayakeun di Padang oge mugi tiasa masihan mangpaat ka masarakat,” cek Dirjen Informasi & Komunikasi Publik Kementerian Kominfo Freddy H. Tulung ka Mangle waktu tepung dina acara dialog interaktif “Celoteh Lapau” Pekan Informasi Nasional, 23 Mei 2014.

Husus, keur mapag pilpres, cek Pa Dirjen, tangtu masarakat boga hak informasi. Kitu deui, para calon pamingpin oge boga kawajiban keur nepikanana ka masarakat. “Mudah-mudahan acara PIN 2014 oge, seueur mangpaatna kanggo nguatan pamingpin nu kapilih jeung nu langkung sae,” pokna.

 

KIM ti Jawa Barat

Waktu Mangle diondang kana acara PIN 2014 ka Padang, kacipta bakal loba nu wawuh jeung urang Sunda urang Jawa Barat. Lantaran, bakal aya stan pameran Teknologi Informasi ti Kota Bandung atawa ti Jawa Barat. Tapi kumaha buktina? Waktu lolongok ka saban stan pameran di halaman Stadion H. Agus Salim Padang, eta kagiatan Pekan Informasi Nasional taun 2014,  nu diayakeun di Padang, 23-27 Mei 2014, singhoreng stan Jawa Barat tacan pikareueuseun. Waktu salahsaurang aya nu nanya, kumaha cara ngokolakeun pamarentah Jawa Barat?' cek sabagian masarakat, cenah hanjakal, nu ngawakilan Jawa Barat ti Kabupaten Bekasi, tacan nembongkeun Jawa Barat nu diarep-arep. "Diutusna kabupaten Bekasi dina PIN taun ieu, langkung kana alatan Kab. Bekasi nu siap jeung gaduh anggaran jadi wakil Jawa Barat," cek Drs. Edi Rohyadi, MM, Kepala Dinas Kominfo Kab. Bekasi.  

Memang, dina kagiatan PIN taun 2014 di Padang, nu asup hasil kreativitas KIM teh ti salapan (9) Provinsi nu asup kana finalis KIM prestasi sa-Nusantara. Naha Provinsi Jawa Barat di taun-taun nu bakal datang, nu asupna leuwih pikareueuseun? Tangtu ahirna mah bakal gumantung kana ketak jeung kamampuh Gupernur Jawa Barat. Mudah-mudahan tinekanan. *** 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: