• Follow us on Twitter
  • Follow us on Facebook

Pekan Informasi Nasional (PIN) 2014;

Lembaga Kahumasan,
Kudu Jadi ‘Guru’ Informasi Masarakat

Kénging Rudi H
Kintun kana Facebook
Mangle
bimbingan teknis Bakohumas sa-Indonesia [Potrét/Ilustasi: rudi]

Lembaga Humas (Hubungan Masyarakat) di satiap lembaga pamarentah, neundeun harepan. Kituna teh, lantaran naon wae kawijakan pamarentah geusan ngawangun daerahna, memang perlu  ditepikeun ka masarakat sacara profesional jeung daria.

Ayana Lembaga Kahumasan di pamarentahan, lian ti mangrupa jalur karir (fungsional), oge jalur widang profesi. Lantaran kitu, nurutkeun Dirjen Informasi & Komunikasi Publik Kementerian Kominfo Freddy H. Tulung, dua jalur eta tetep kudu adumanis. Malahan lembaga kahumasan dipiharep sangkan jadi ‘guru’ informasi masarakat. “Margi lembaga humas di pamarentah penting kacida, nya nu ngokolakeunana oge kudu ku jalmi tos ngarti kana kahumasan,” pokna, basa tepung jeung Mangle dina sela-sela acara bimbingan teknis Bakohumas sa Indonesia di Hotel Grand Ina Muara Padang. Bimbingan Teknis Bakohumas, memang bagian dina runtuyan acara Pekan Informasi Nasional (PIN) nu taun ieu diayakeun di Padang Sumatera Barat.

Humas Tatar Sunda Jawa Barat

Kamekaran informasi teu bisa dihahalang deui. Malahan dunya internet geus mangaruhan kana rupa-rupa pangabutuh. Dina mekarna dunya internet, ruang privat jeung ruang publik oge beuki teu puguh arah. Lantaran kitu, cek Dirjen Informasi & Komunikasi Publik Kementerian Kominfo RI, ka hareup, satekah polah ruang publik kudu leuwih luas, sedengkeun ruang privat kudu leuwih saeutik.

Mupujuhkeun dunya internet ka nu leuwih mangpaat memang henteu gampang. Lantaran kitu, keur ngokolkeun urusan ruang publik oge, humas-humas nu aya di daerah, kudu nu mampuh oge ahlak nu hade. Kumaha ari di tatar Sunda Jawa Barat? Nurutkeun Pa Dirjen memang Jawa Barat geus nembongkeun kamampuhna. “Jawa Barat tos sae. Mugi jadi conto,” pokna tembres.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: