• Follow us on Twitter
  • Follow us on Facebook

PIN 2014;

Internet Dipikaresep Barudak
Peran Ibu Kudu Leuwih Kuat

Kénging Rudi H
Kintun kana Facebook
Mangle
bimbingan teknologi keur barudak
dina acara PIN 2014 di Padang
[Potrét/Ilustasi: rudi]

Mangsa kiwari, dunya teknologi internet beuki ngarambah ka barudak. Lantaran kitu, barudak oge beuki palinter make internet. Ngan hanjakalna, konten dunya internet sorangan, loba nu negatif. Dina kaayaan kitu, tangtu peran ibu dina ngabimbing putrana kacida pentingna.

"Murangkalih langkung cepet apal teknologi tinimbang sepuhna. Margi kitu, wayahna ibu-ibu oge kedah aya bimbingan sangkan apal kana teknologi sapertos internet," cek Basuki Yusuf Iskandar, Kepala Litbang SDM Kominfo waktu ngobrol jeung Mangke dina runtuyan acara Pekan Informasi Nasional 2014 di Padang, Jumaah (23/5/2914).

Waktuna putra hanya nyoba-nyoba mukaan internet, mangka palebah dinya inyana perlu bimbingan nu jadi kolotna. Peran bimbingan ibu atawa kulawargana kacida pentingna. Lantaran, urusan nyegah dampak internet tina hal-hal negatif, lain saukur kawajiban pamarentah (Menkoinfo), tapi oge kulawarga jeung masarakat. "Palebah dieu, ibu-ibu  wajib apal internet. Kominfo teu tiasa gawe sorangan nyegah hal-hal negatif tina dunya internet," cek Yusuf daria.
 

Peran Kulawarga di Tatar Sunda

Gancang apalna barudak kana internet, mangaruhan kana pola pikir barudak sorangan. Lantaran kitu, dina mangsana barudak aya dina bimbingan kolotna, mangka peran ibu kacida pentingna. Dina kaayaan kitu, pihak Menkoinfo oge satekah polah bakal mrogramkeun sosialisasi dunya internet ka kaum ibu-ibu ngaliwatan gawe bareng jeung pihak kementrian pemberdayaan perempuan. Kituna teh, lantaran, pihak kementrian perempuan oge ngarasa penting kana peran Menkoinfo dina nyegah hal negatif tina dunya internet. “Dina kaayaan murangkalih leuwih apal kana internet, nya ibu-ibu oge kedah terang kana dunya internet,” cek Dra. Maydian Werdiastuti, M.Si., Asdep Penanganan Masalah Sosial Anak Deputi Bidang Perlindungan Anak Kementrian Pemberdayaan Perempuan, waktu tepung di Hotel Pangeran Beach Padang.

Peran Bina Keluarga TKI
Urang Jawa Barat, lian ti jadi pangjugjugan nu ti luar, oge jadi agen pengiriman jasa TKI ka luar Jawa Barat. Lantaran kitu, loba barudak nu ditinggalkeun ku kolot-kolotna. Ninggang kaayaan kitu, barudak nu ‘boga masalah’ teu mustahil nu kajiret kana dampak negatif dunya internet. Cek Dra. Maydian Werdiastuti, M.Si., memang loba pisan ti Jawa Barat nu mariang jadi TKI, kalawan ninggalkeun barudak. Dina kaayaan kitu, peran Bina Keluarga TKI di lembaga kementrian pemberdayaan perempuan, bisa keur ngungkulan pasualan kulawarga TKI. “Peran Bina Kulawarga TKI, kalebet keur ngungkulan pasualan dampak negatif internet keur murangkalih nu dikantunkeun,” pokna. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: