• Follow us on Twitter
  • Follow us on Facebook

Festival Pagelaran Rayat PIN 2014;

Ti Tatar Sunda,
Jawara di Ranah Minang

Kénging Rudi H
Kintun kana Facebook
Mangle
SN1401080433.jpg [Potrét/Ilustasi: rudi]

Upama Jawa Barat jadi pangjugjugan nu ti mana nu ti mendi, lantaran mémang Jawa Barat loba carita jeung matak reueus budayana. Kumaha upama carita Jawa Barat di luar Jawa Barat saperti ti Ranah Minang? Salahsahiji carita budaya Sunda, Situ Bagedit gé, singhoréng  hiburan rayat nu ditunggu-tunggu ku masarakat Minang di Kota Padang. Hasilna? Tina lomba ‘Pertunjukan Rakyat’, ti saban daérah sa-Nusantara, utusan Jawa Barat jadi jawara, juara kahiji. Sedengkeun juara ka dua, ti Kaltim, katilu ti Sumut. “Alhamdulillah tim FK METRA utusan Jawa Barat kénging juara kahiji. Mugi janten pamiangan kanggo lomba-lomba tingkat nasional kapayunna,” saur Kang Beni Buldansyah, ketua FK METRA Jawa Barat nepikeun kabungahna.

Suksésna tim Jawa Barat dina féstival pagelaran rayat dina PIN 2014, mémang loba nu ngarojong. Boh ti Diskkominfo Jawa Barat atawa ti Paguyuban Wargi Sunda (PWS) Sumatera Barat, nu harita ngabringkeun urang Sunda nu sumebar di Sumatera Barat. “Alhamdulillah, pagelaran ti Jawa Barat, tiasa ngahibur urang Sunda di Sumbar hususna, umumna di Ranah Minang. Mudah-mudahan seungitna carita Sunda di dieu, urang Padang gé langkung dalit sareng Sunda,” cék Kang Aji Rukmana, pangurus PWS Sumbar témbrés. Kareueusna tim Jawa Barat kahiji, mémang teu weléh ogé tina pangaping pihak Diskkominfo Jawa Barat, saperti ti Drs. Asep Sukmana, M.Si., sekretaris Diskkominfo Jawa Barat, nu harita milu nalingakeun tim Jawa Barat manggung dina pagelaran rayat PIN 2014 ti jam 22.30 nepi ka 01.00 WIB bareng jeung wartawan Manglé.

“Alhamdulillah naon nu dipintonkeun ti Jawa Barat pikareueuseun. Insya Alloh di Jawa Barat taun payun mah badé ngawitan ngayakeun Pekan Informasi Daerah (PID), sangkan naon nu jadi kareueus salami ieu langkung karaos ku masarakat Jawa Barat,” pokna jinek.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: