• Follow us on Twitter
  • Follow us on Facebook

Brazil

Kénging Dede Syafrudin
Kintun kana Facebook

“Bakal aya hiburan anu merenah bulan puasa ayeuna mah, Lo.”

“Lalajo piala dunia di Brazil nyah, Mang?”

“Ah, dina tivi wé, teu kabiayaan lalajo di Brazil mah.”

“Maksud téh piala duniana di Brazil, Mang.”

“Héhéhé.”

“Réa nu ngajagokeun Brazil taun ayeuna mah, Mang.”

“Nu jadi alesanana?”

“Paktor tuan rumah, Mang. Lian ti kitu, kapan saréréa ogé geus pada nyaraho kana kualitas pamaén Brazil. Bisa kasebut langganan juara kapan Brazil mah.”

“Mamang mah teu ngajagokeun Brazil, Lo.”

“Har?”

“Lantaran Brazil mah saban dijagokeun sok ngajurahroh baé, Lo.”

“Kitu nyah?”

“Buktina baé taun 1998 mun teu salah mah, Brazil nu dijagokeun kalah nonggéng ku Perancis. Kakara dina taun 2002 bisa juara deui, ngéléhkeun Jérman, padahal harita Brazil teu diunggulkeun.”

“Bener ogé nyah, Mang. Sabada taun 2002 mah kapan Brazil téh teu kungsi nepi ka pinal-pinal acan.”

“Tuh inget geuning Alo gé.”

“Katurug-turug baheula mah Brazil boga pamaén béntang anu istiméwa.”

“Ronaldo téa kapan, Lo.”

“Ronaldo Botak, Mang.”

“Héhéhéhé.”

“Tapi kapan kiwari gé Brzil boga béntang, Mang?’

“Si Néymar, Lo?”

“Enya.”

“Tacan bener-bener kauji cara Ronaldo Brazil, Lo. Kapan di kleubna ogé henteu pati istiméwa. Éléh pamor ku Cép Mési.”

“Enya ku kitu téana mah.”

“Ari Alo ngajagokeun saha?”

“Teuing atuh, Mang.”

“Hih, kalah teuing?”

“Ampir rata kakuatanana tuda taun ayeuna mah.”

“Ari harepan mah ulah Éropah ngalawan Éropah, teu pati ramé. Asa lalajo piala Éropa.”

“Idéalna mah Éropah ngalawan Latin atawa Asia nyah, Mang?”

“Asia mah jauh kénéh, Lo. Paling gé Éropah jeung Latin. Ti Amérika latin mun teu Brazil Argéntina.”

“Tapi, Mang, rék saha baé nu asup ka pinal, aya nu leuwih penting.”

“Naon, Lo?”

“Bisa lalajo hiburan dina tv nu ngahibur. Lantaran kapan biasana mun bulan puasa téh acara dina tv sok pikaboseneun, lantaran acarana ampir kabéh sarua.”

“Satuju, Lo. Batan lalajo acara nu méh sararua, mending kénéh lalajo Brazil.”

***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: