• Follow us on Twitter
  • Follow us on Facebook

Mahing Pacéngkadan

Kénging Ensa Wiarna
Kintun kana Facebook

Hawa pilihan présiden mingkin panas. Héabna, parat ka saban tempat. Kitu téh, lantaran masing-masing pihak  adu-hareupan lalawanan,  sabagian biluk ka Prabowo-Hatta, sawareh jadi bobotoh  Jokowo-JK. Atuh dua  pihakanana deuih,  satékah polah ngirut masarakat saloba-lobana.

Dua kakuatan nu adu-hareupan, bisa jadi mamala. Lantaran,  ku ngalus-ngalus jagona, loba nu sakalian deuih ngagogoréng calon séjén. Cara-cara kawas kitu nembrak, katara ku balaréa. Balukarna, rahayat nu jauh tina puseur kakawasaan gé bisa kakécrétan mamalana.

Dina kaayaan kitu, butuh pisan  ku pihak-pihak nu ‘clok di tengah’. Ngan, saha nu dipiharep bisa nyaangan masarakat téh? Tangtuna, rupa-rupa, kaasup inohong masarakat, tokoh agama, kaum akademisi, jeung kepala daerah. Cindekna, jalma-jalma nu boga pangaruh, sawadina nempatkeun diri di tengah-tengah.

Masarakat  butuh conto, butuh tuladeun. Saperti kiai, ajengan, jeung sabangsana, mémang bisa jadi daya pangirut keur calon nu butuh ku sora masarakat mah. Lantaran, ilahar, tokoh agama mah  kailuan  ku masarakat.

Pentingna pihak nu nétral,  bisa  jadi ‘pamépés’ upama masarakat pacengkadan. Lian ti éta, sangkan ‘tilikan’ jeung ‘katerngan’ pihak nu netral,  bisa jadi  obor nu nyaangan  balaréa.  Hartina,  masarakat ge butuh katerangan ti jalmi-jalmi nu teu mihak ka salasahiji kandidat.

Mitra, tumali sareng  pentingna pihak nu nétral, Manglé nomer ieu ngolongan pamendak Prof. Dr. Asep Kartiwa, SH. M.Si., Guru Besar Fisip Unpad. Ieu professor téh netelakeun pentingan pihak-pihak nu teu mihak ka salasahiji kandidat.  Cenah, kitu téh sangkan masarakat nu beda pamilih teu pacéngkadan. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: