• Follow us on Twitter
  • Follow us on Facebook

Baradé nu Hideung?

Kénging Dede Syafrudin
Kintun kana Facebook

“Réa nu hideung cenah, Lo.”

“Ih, bet nyindiran Mamang mah.”

“Hampura, henteu maksud nyindiran Alo.”

“Héhéhé.”

“Atuda ayeuna mah keur meumeujeuhna réa nu hideung, Lo.”

“Budak buncir nyah nu hideung téh, Mang?”

“Hih, bet jauh-jauh kana budak buncir!”

“Ari kitu, naon atuh?”

“Ieu mah perkara pilihan présidén, Lo.”

“Oh.”

“Kangaranan nu hideung, Lo.”

“Ngabelegbeg, Mang?”

“Enya, teu jelas katingalina.”

“Jadi Mamang tacan bisa ningali mana nu rék dipilih dina pilprés engké?”

“Is, henteu kitu, Lo.”

“Ari kitu?”

“Ieu mah perkara nu keur usum téa geuning.”

“Naon, nya?”

“Kampanyeu hideung, Lo.”

“Oh, kampanyeu hitam?’

“Enya.”

“Nu kitu mah aya baé saban pemilu téh, Mang. Ti mimti pemilu caleg, pilkada, nepi ka pilprés.”

“Réa nu ngagegedékeun kampanyeu hideung nyah, Lo.”

“Enya,Mang. Sangkan batur ulah milih calon nu teu dipikaresep ku manéhna. Padahal kangaranan nu hideung mah kapan can puguh bener henteuna. Kalah hayoh ngagogoréng batur.”

“Batan kampanyeu hideung asa hadé kampanyeu bodas, Lo.”

“Maksudna?”

“Batan silih goréngkeun mending kénéh silih aluskeun.”

“Satuju, Mang.”

“Da ku ngaaluskeun batur lain hartina dirina leuwih goréng, malah boa jadi leuwih alus.”

“Bener, Mang. Nu rék marilih ogé jadi leuwih simpati.”

“Komo deui ayeuna nyanghareupan bulan puasa, teu hadé silih goréngkeun.”

“Yaktos, Mang.”

“Kabau-bau sungut, Lo.”

“Tibatan kabau-bau sungut mending kénéh kabau-bau jéngkol, Mang.”

“Hih, moal bau jéngkol téh ayeuna mah.”

“Har?”

“Kapan mahal hargana ogé, cenah mah nepi ka ngaleuwihan harga daging hayam.”

“Héhéhé.”

“Jadi baradé?”

“Jéngkol, Mang?”

“Is, lain.”

“Ari kitu?”

“Baradé kampnyeu hideung?”

“Moal. Téréh bulan puasa, Mang.”

“Jadi mun jauh kénéh ka bulan puasa mah meunang nyah kampanyeu hideung.”

“Sami wé teu kéngéng, Mang.”

***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: