• Follow us on Twitter
  • Follow us on Facebook

Wates-wates Kabebasan

Kénging Ensa Wiarna
Kintun kana Facebook

Mun nu boga kuda ngadalian kudana, tangtu aya tujuan. Copélna, ngawatesan gerak kuda sangkan teu mangprung sakarep-karep. Da, mun diabur sakama-kama, bisa jadi kuda téh rurumpak nu ahiina loba pihak nu dirugikeun. Ka dituna, nu rugi téh lain ukur pihak séjén, tapi deuih pribadi nu boga kuda téa.

Manusa gé  butuh kadali,  sangkan aya wates-wates paripolah. Da, mun kalakuan diabur sakahayang, bakal loba rambat kamaléna. Copélna, bakal aya pihak-pihak nu ngarasa kaganggu hak-hak pribadina.

Kuda boga kadali, manusa mah boga aturan. Sageuy éta aturan téh teu peurahan. Da,  kuduna mah saperti kadali. Mun kuda maksa hayang leupas tina kadali, bakal ngarasakeun balukarna. Tapi, manusa mah teu kitu,  kanyataanana kadali kuda jeung aturan nu dipake manusa mah teu sarua. Remen kasaksén, najan jinek aturanana, nu ngahaja ngalangar turan gé teu kurang-kurang. Malah, leuwih ti kitu, aturan téh ukur dipaké kaulinan, dilélécé!

Mun aturan henteu metu, balukarna gé lir  kuda leupas kadali. Paripolahna bakal sakama-kama, ngalajur napsuna. Karepna bakal sakahayang,  asa ieu aing henteu batur! Dina ngudag kahayangna, tega mépéhék pihak séjén, teu ngaragap haté sorangan.

Mitra, ayeuna urang aya dina sasih Siam. Waktosna puasa sasasih campleng. Tangtos, dipalar téh, tiasa ngalakonan ibadah sakumaha mistina. Lian ti éta, deuih, tiasa ngalap mangpaatna, janten cukang lantaran kuatna kadali diri dina ngalakonan hirup kumbuh satutasna ngalaksankeun ibadah saum.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: