• Follow us on Twitter
  • Follow us on Facebook

Satutas Jadi Bobotoh

Kénging Ensa Wiarna
Kintun kana Facebook

Pilihan présiden geus lekasan. Najan éta téh peristiwa penting, tapi lain sagala-galana. Da, nu leuwih utama mah, kahirupan kanagaraan. Mun dipapandékeun, pilprés téh lir jambatan, nu jadi sarana patalimarga kahirupan saterusna.

Upama tanaga tur kamampuhan béak ukur dipaké keur ngawangun jambatan, bakal kacida rugina. Da, meureun, moal bisa ngabebenah jalan geusan sarana lumampah saterusna. Satutas ngadeg jambatan, jalan sorangeun gé misti mulus, sangkan lugina disorangna.

Béda pilihan, mémang ilahar. Tapi, teu mustahil ngalantarankeun pacéngkadan. Da, nu milih jeung bobotoh téh dumasar kana tinimbangan masing-masing, boh  tinimbangan akademis, rasional, ogé rarasaan. Hartina, masing-masing gé boga kayakinan nu teu kudu dihalang-halang pihak séjén.

Satutas jadi bobotoh, waktuna mulang deui ka masing-masing jadi dirina. Merenahkeun diri dina tempat rahayat murba. Atuh, saha waé nu kapilih, kudu dianggap pilihan rahayat sakumna.

Mitra, sabada pilprés, sawadina masing-masing pihak gé balik deui kana tempatna. Teu kudu kalalanjoan kabeungkeut ku pasualan nu cikénéh kaliwat. Tumali sareng éta, Manglé nomer ieu ngolongan pamendak Prof. Dr. H. Muhtar Solihin, M.Ag., Guru Besar Tasawuf UIN SGD Bandung. Anjeunna, ngajak umat mulang deui kana jadi dirina. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu: